2 lipienia ŭ Minsku ŭpieršyniu za apošnija dva hady adbudziecca vialiki muzyčny open-air-fest «Most». Pa tradycyi, imiony udzielnikaŭ arhanizatary raskryvajuć pastupova. Spačatku stała viadoma, što zhodu na ŭdzieł dali «Nočnyje snajpiery», «Brunettes shoot Blondes», «7000$» i «Riekord Orkiestr». Ciapier nazvanyja chedłajniery festu: imi stali «DDT» i «SKILLET».
U imprezie taksama voźmuć udzieł biełaruskija muzyki: ŭžo viadoma, što my pačujem hurty «Daj Darohu!» i «Super Besse». Intryha zachoŭvajecca tolki z nazvaj hurta, jaki adkryje fest. Heta budzie pieramožca abjaŭlenaha konkursu, u jakim ciapier biaruć udzieł vosiem biełaruskich kamand. Aznajomicca z udzielnikami, znajści praviły praviadzieńnia konkursa dy daznacca raskład žyvych vystupaŭ u T.N.T. Rock Club možna na aficyjnaj staroncy festu.
Hurt «DDT» byŭ zasnavany letam 1980 hoda va Ŭfie i naŭrad ci patrabuje pradstaŭleńnia. Lidar hurta, aŭtar bolšaści piesień i adziny niasmienny ŭdzielnik – Jury Šeŭčuk. Hurt vypuściŭ bolš jak 20 albomaŭ, kožny ź jakich rabiŭsia źjavaj u rasijskaj muzyčnaj kultury. U apošnija hady najbolš abmiarkoŭvajucca pieśni «DDT» «Russkaja viesna» i «Trieťja mirovaja». Na siońniašni dzień płanujecca pieravydańnie niekatorych albomaŭ na CD i na LP, a taksama idzie padrychtoŭka da zapisu novaha alboma z rabočaj nazvaj «Kirpičnyje stieny».
«Skillet» — amierykanski rok-hurt ź Miemfisa, štat Teńnieśsi, isnuje ŭžo bolš jak 20 hadoŭ. Na siońniašni dzień zapisana 8 studyjnych albomaŭ, adzin EP i dva kancertnych alboma. Albom «Collide» byŭ naminavany na premiju Hremmi ŭ naminacyi «Lepšy rok-hośpieł albom», a «Comatose» - u naminacyi za «Lepšy rok- ci rep-hośpieł albom». Rokiery zapisali dziesiatki hitoŭ, a ich albomy zaŭsiody znachodziacca ŭ topach amierykanskich čartaŭ.
Muzyčny styl «Skillet» spałučaje ŭ sabie rysy alternatyŭnaha mietała, chard-roka i post-hranža; mienavita hetaja sumieś razam z vybuchovymi prypievami zabiaśpiečyła prychilnaść miljonaŭ fanataŭ.
Muzyčny open-air-fest «MOST» adbudziecca 2 lipienia na aeradromie «Baravaja» z 15.00 da 23.00. Košt kvitkoŭ tradycyjna ŭzrastaje bližej da mierapryjemstva. Košt na siońniašni dzień składaje 400 000 rubloŭ. Infalinija +375 29 75-111-75.
Kupić kvitki možna na sajcie arhanizatara – kancertnaj ahiencyi «Atam Intertejment» http://atomenter.by/ (biez kamisii), na sajcie festu, na sajtach biletnych apierataraŭ, a taksama ŭ kasach horada.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary