U Nacyjanalnaj akademii navuk źbiarucca bolš jak 300 biełarusistaŭ
z roznych staron śvietu, śpiecyjalisty pa kulturałohii, historyi, etnahrafii, litaratura- i movaznaŭstvie. Arhanizujuć maštabnaje mierapryjemstva Nacyjanalnaja akademija navuk, Centr daśledavańniaŭ biełaruskaj kultury, movy i litaratury pry NAN i Ministerstva kultury.
Forum zaklikany sadziejničać raźvićciu daśledavańniaŭ ajčynnaj kultury ŭ halinie humanitarnych i sacyjalnych navuk jak u Biełarusi, tak i za jaje miežami, a taksama spryjać pašyreńniu mižnarodnaha supracoŭnictva vučonych roznych krain, adznačajecca na sajcie Akademii navuk.
«Pracesy hłabalizacyi, vykliki i kanflikty sučasnaści vostra aktualizujuć prablemu zachavańnia nacyjanalnych kultur i tradycyj narodaŭ. Zachavańnie historyka-kulturnaj spadčyny, navukovy analiz sučasnaha stanu nacyjanalnaj kultury i pierśpiektyvy ich raźvićcia źjaŭlajucca asnoŭnaj sistemnaj zadačaj, jakaja zabiaśpiečyć stabilnaść i roskvit niezaležnaj Biełarusi», — adznačajecca na sajcie Kanhresa.
Padčas Kanhresa buduć pracavać vystavy vyratavanych biełaruskimi restaŭratarami artefaktaŭ, navukovych vydańniaŭ.
Adkryćcio Kanhresa - 5 maja 2016 hoda ŭ 10.00 u Vialikaj kanfierenc-zale Prezidyuma NAN Biełarusi (pr. Niezaležnaści, 66, 2 pavierch).
Z prahramaj Kanhresa možna aznajomicca tut.
Stała viadoma, dzie pracuje favarytka Łukašenki Uładlena Zajcava19
Kamientary