Na płatformie change.org raspačaty zbor podpisaŭ pad zvarotam da kiraŭnictva kampanii MTS.
Aŭtary pietycyi patrabujuć adnavić biełaruskuju viersiju aficyjnaha sajta MTS i zrabić jaje paŭnavartasnaj.
«Mała taho, što byli chiby (pamyłki druku, niedakładnaści ŭ terminałohii i inš.) u pierakładzie, dyk jašče i šmat čaho prapanoŭvałasia abanientu tolki na ruskaj movie. Skłałasia takoje ŭražańnie, što pierakład na biełaruskuju movu byŭ zrobleny dla «ptušački». Maŭlaŭ my zrabili tak jak zrabili, a vy tam chočacie karystajciesia, chočacie nie…» — adznačana ŭ zvarocie.
«Zusim inšaja situacyja z sajtam ukrainskaha apieratara MTS. Sajt adrazu (!!!) prapanuje karystacca ŭkrainskaj movaj. Viadoma, što možna vybrać mahčymaść źmianić movu na ruskuju. I ŭsie staronki pierakładzieny na 100%. Dyk što zaminaje zrabić toje ž samaje dla biełaruskaha sajta MTS?» — hučyć pytańnie da kiraŭnictva STAA «Mabilnyja TeleSistemy».
Biełaruskamoŭnyja karystalnik MTS prosiać ukaraniać inšyja mietady, skiravanyja na pašyreńnie vykarystańnia biełaruskaj movy ŭ kampanii (buklety z taryfami, artykuły ŭ časopisie «AŁŁO» i h.d.), i spadziajucca, što pietycyju padtrymajuć inšyja karystalniki, a «kiraŭnictva kampanii MTS zrazumieje, što biełaruskaja mova maje takija ž roŭnyja pravy na isnavańnie jak i ruskaja».
Dałučycca da pietycyi možna tut.
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Kamientary