Prezident Rasii Uładzimir Pucin zvolniŭ kiraŭnika svajoj administracyi Siarhieja Ivanova. Novym kiraŭnikom administracyi staŭ Anton Vajna. Vajna — estoniec. Jon naradziŭsia ŭ 1972 u Talinie. Jahony dzied Karł Vajna 10 hadoŭ — z 1978 da 1988 uznačalvaŭ Savieckuju Estoniju. Vajna-ŭnuk skončyŭ dypłamatyčny instytut u Maskvie (MHIMO) i ŭsio žyćcio adpracavaŭ u rasijskich dziaržaŭnych strukturach.
Vajna-dzied paśla adstaŭki žyŭ u Maskvie — u Estonii jaho nie lubili. Zrešty, Vajna-dzied i naradziŭsia ŭ Rasii, u Tomsku, u siamji estonskich rabotnikaŭ. U Maskvie žyŭ i Vajna-tata.
Ivanova pryznačyli śpiecyjalnym pradstaŭnikom prezidenta Rasii pa pytańniach pryrodaachoŭnaj dziejnaści, ekałohii i transpartu.
Pra heta paviedamiła pres-słužba Kramla.
Anton Vajna raniej byŭ namieśnikam Ivanova.
U čas sustrečy ź Ivanovym Pucin zajaviŭ, što jon jašče ŭ 2012 hodzie prasiŭ jaho nie vykarystoŭvać na pasadzie kiraŭnika AP bolš za 4 hady. Taksama, pa słovach Pucina, kandydaturu Vajna na pasadu kiraŭnika AP prapanavaŭ sam Ivanoŭ.
Anton Vajna taksama ŭvajšoŭ u skład Rady biaśpieki. Pry hetym Ivanoŭ zachavaŭ svajo miesca ŭ Radzie biaśpieki RF.
Taksama Pucin uklučyŭ u Radu biaśpieki svajho paŭnamocnaha pradstaŭnika ŭ Sibirskaj fiederalnaj akruzie Siarhieja Mianiajłu (raniej byŭ «hubiernataram Sievastopala»), paŭprada ŭ Paŭnočna-Zachodniaj akruzie Mikałaja Cukanova i namieśnika sakratara rady biaśpieki, byłoha ministra ŭnutranych spraŭ Rašyda Nurhalijeva.
Siarhiej Ivanoŭ zajmaŭ pasadu kiraŭnika administracyi prezidenta Rasii sa śniežnia 2011 hoda.
Kamientary