U Połacku na Dzień horadu adkryli pamiatny znak «Hieahrafičny centar Eŭropy». Na 55 hradusie 30 chvilinie paŭnočnaj šyraty i 28 hradusie 48 chvilinie ŭschodniaj daŭžyni pabyvała fotakarespandentka «NN» Julija Daraškievič.
U Połacku na Dzień horadu adkryli pamiatny znak «Hieahrafičny centar Eŭropy». Na 55 hradusie 30 chvilinie paŭnočnaj šyraty i 28 hradusie 48 chvilinie ŭschodniaj daŭhaty pabyvała fotakarespandentka «NN» Julija Daraškievič.
Jašče niadaŭna centram Eŭropy biełarusy ličyli voziera Šo, što na Hłyboččynie. Adnak ajčynnyja hieadezisty čarhovy raz pry dapamozie novych technalohij pieraličyli kaardynaty, i serca Eŭropy pieramiaściłasia ŭ Połacak. Ciapier pra heta śviedčyć pamiatny znak, adkryty ŭ miežach śviatkavańnia Dnia horadu ŭ minułyja vychodnyja.
Adrazu ž źjaviłasia i novaja tradycyja — kidać na pomnik hrošy. Manietaŭ biełarusy nia majuć, tamu za ličanyja chviliny centar Eŭropy byŭ zavaleny drobnymi kupiurami.
Śviata horadu raspačałosia z kancertu klasyčnaj muzyki pad murami Safii. Pakul z adnaho boku saboru śpiavali aryi, ź inšaha handlavali «Alivaryjaj».
Va ŭračystym šeści pa vulicach Połacku pryniali ŭdzieł kiraŭnictva horadu (mera Ŭładzimira Tačyłu supravadžała kaliści biełaruskaja śpiavačka Lika Jalinskaja, a zaraz žonka rasiejskaha kiłbasnaha mahnata Anžalika Ahurbaš), viasielnyja pary, pieradaviki vytvorčaści i maładyja specyjalisty.
Adzin sa svaich starych hitoŭ vykanała dla pałačanaŭ Hiunieš. Biełaruskaja śpiavačka kančatkova pazbaviłasia svaich azerbadžanskich karanioŭ - jašče raniej pierafarbavała, a zaraz i abrezała niekali šykoŭnyja vałasy (pahavorvajuć, što mienavita z-za ŭschodniaha kalarytu Hiunieš Abasava "pralacieła" na Słavianskim bazary i na adborach na Eŭrabačańnie).
Na centralnych vulicach horadu pracavali narodnyja ŭmielcy, a taksama kropki z šašłykami.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT5
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary