Zialenski: Va Ukrainie paśla rasijskich udaraŭ nie zastałosia nivodnaj całkam acalełaj elektrastancyi
Tolki ŭ studzieni Ukraina adbiła ataki kala 6000 dronaŭ, bolš za 150 rakiet i zvyš 5000 kiravanych avijabombaŭ.
Prezident Ukrainy Uładzimir Zialenski, vystupajučy na Miunchienskaj kanfierencyi pa biaśpiecy, zajaviŭ, što ŭ krainie nie zastałosia nivodnaj niepaškodžanaj elektrastancyi, piša Bild.
«Niama nivodnaj elektrastancyi va Ukrainie, jakaja nie była b paškodžana rasijskimi atakami. Nivodnaj», — padkreśliŭ jon.
Pa słovach Zialenskaha, tolki ŭ studzieni Ukraina adbiła ataki kala 6000 dronaŭ, bolš za 150 rakiet i zvyš 5000 kiravanych avijabomb.
Prezident Ukrainy nazvaŭ stan supraćpavietranaj abarony pytańniem vyžyvańnia. Pry hetym Zialenski padziakavaŭ krainam, jakija padtrymlivajuć Kijeŭ «nie tolki słovami, ale i spravami», asobna adznačyŭšy dapamohu Hiermanii, Narviehii i Niderłandaŭ, a taksama pastaŭki ŭzbrajeńniaŭ pa linii ZŠA.
«Ja hanarusia našaj krainaj. Mienavita mužnaść i stojkaść ukraincaŭ majuć vyrašalnaje značeńnie. Za heta ŭkraincy zasłuhoŭvajuć padziaki i pavahi», — zajaviŭ jon pad apładysmienty zały.
Asobna Zialenski raskrytykavaŭ kiraŭnictva Irana za pastaŭki dronaŭ Rasii. Pavodle jaho słoŭ, Ukraina nie znachodzicca ŭ kanflikcie ź Iranam, adnak mienavita iranskija bieśpiłotniki vykarystoŭvajucca dla atak na ŭkrainskija harady.
Kamientary
Inačie, nievozmožno objaśniť sohłasije trampa na pieriehovory biez priekraŝienija ohnia i bojevych diejstvii !
Inačie, nievozmožno objaśniť 4-5 kratnyj rost udarov po enierhietičieskoj infrastrukturie Ukrainy v sravnienii s bajdienovskimi vriemienami, kak i padienije, v 3-4 raza vojennoj pomoŝi SŠA, v sravnienii s bajdienovskimi vriemienami s połnoj błokirovkoj finansovoj pomoŝi SŠA Ukrainie !