Art-siadziba «Kaptaruny», Litaraturny dom «Łohvinaŭ», Litaraturny muziej imia Pietrusia Broŭki sumiesna ź Instytutam imia Hiote ŭ Minsku zaprašajuć na I Mižnarodny litaraturny open-air fiestyval «Kaptaruny», temaj jakoha stanie litaratura jak prastora dla dyjałohu.
Kali: 20—21 žniŭnia 2016 hoda.
Dzie: art-vioska Kaptaruny (Viciebskaja vobłaść, Pastaŭski r-n).
Hramadstva siońnia pradstaŭlaje saboj šyroki śpiektr roznych identyčnaściej, abumoŭlenymi raznastajnymi palityčnymi vybarami, uzorami pryznańnia, kulturnym bekhraŭndam, kulturami pamiaci, movami i štodzionnymi praktykami, suisnavańnie jakich apošnim časam stanovicca ŭsio składaniej. Jano, chutčej, raźjadnoŭvaje ludziej, pryvodzić da kanfliktaŭ i roznaha kštałtu vojnaŭ, navat u miežach adnoj krainy.
Što ahulnaha i roznaha majuć mižkulturnyja kanflikty ŭ Biełarusi, Ukrainie, Polščy, Hiermanii i inšych krainach? Ci mahčyma znajści formy i šlachi dla taho, kab adroźnieńni pamiž ludźmi i supolnaściami nie ŭtvarali miežaŭ, jakija niemahčyma pieraadoleć? Padčas fiestyvalu nam chaciełasia b sfakusavacca nie na tym, što nas raźjadnoŭvaje, ale padumać pra toje, što jadnaje i moža stać toj prastoraj, dzie mahčymaje suisnavańnie roznych identyčnaściej i supolnaściaŭ.
Hości fiestyvalu: Dmytro Biły, Alaksandr Irvaniec, Alaŭcina Kachidze, Alaksiej Čupa, Luboŭ Jakimčuk (Ukraina), Inho Petc (Hiermanija), Kirył Azimka, Valancin Akudovič, Natałka Babina, Ihar Babkoŭ, Alhierd Bacharevič, Alaksiej Bratačkin, Volha Hapiejeva, Aleś Harbul, Iryna Hierasimovič, Pavał Kaściukievič, Artur Klinaŭ, Viktar Misiuk, Aleś Navaryč, Volha Šparaha, Andrej Chadanovič, Jula Cimafiejeva (Biełaruś).
Akramia panelaŭ i litaraturnych prezientacyj vas čakajuć: muzyčny set Alaksieja Varsoby (Port Mone, Agata), litaraturnaje šou «Infarmacyjnaje cieła» ad ekzarcystyčnaha Gesamtkunstwerk feat. VJ Solar Olga, litaraturny pierformans Alaŭciny Kachidze, paetyčna-muzyčny vystup Volhi Hapiejevaj i Aortha.
Budziem radyja bačyć vas siarod hledačoŭ! Uvachod na fiestyval volny. Dajezd samastojny, pobač budzie raźbity łahier dla namiotaŭ. Za asobnuju apłatu možna budzie zamović haračaje charčavańnie.
Dla bolš kamfortnaha vašaha ŭładkavańnia i našaj adkaznaści abaviazkova rehistrujciesia: dašlicie infarmacyju (imia, daty prybyvańnia, a taksama paznačcie, ci płanujecie nabyvać tut haračaje charčavańnie) na adras [email protected].
Uvaha! Art-vioska Kaptaruny znachodzicca ŭ pamiežnaj zonie, naviedać jakuju možna tolki — papiarednie nabyŭšy admysłovuju kvitancyju «Na prybyvańnie ŭ pamiežnaj zonie» (kod 03002 Hosudarstviennaja pošłina za sovieršienije inych juridičieski značimych diejstvija s fizičieskich lic).
Padzieja na FB tut (sačycie za abnaŭleńniami i dadatkovaj infarmacyjaj).
PRAHRAMA
20 ŽNIŬNIA, SUBOTA
Adkryćcio fiestyvalu
Dyskusija. Mižkulturny kanflikt: litaratura pa-za miežami vajny? Maderatar Andrej Chadanovič
Prezientacyja sučasnaj ukrainskaj litaratury. Dmytro Biły, Alaksandr Irvaniec, Alaksiej Čupa, Luboŭ Jakimčuk. Maderatary Andrej Chadanovič, Jula Cimafiejeva
Dyskusija. Hiendarnyja kliše: mužčynskaja identyčnaść u litaratury. Maderatarka Tania Arcimovič
Prezientacyja. Ihar Prakapovič. Adukacyjna-aśvietny kompleks «Čaroŭny kraj — Pastaŭščyna»
Prezientacyja. Aleś Harbul. Skarby sivych vałunoŭ. Mifałohija Łyntupskaha kraju
Prezientacyja. Litaraturny muziej Pietrusia Broŭki. Prezientujuć Taćciana Maskaluk, Lina Miadźviedzieva, Anastasija Daškievič
Muzyčny set Alaksieja Varsoby (Port Mone, Agata)
Ekzarcystyčny Gesamtkunstwerk feat. VJ Solar Olga: litaraturnaje šou «Infarmacyjnaje cieła»
21 ŽNIŬNIA, NIADZIELA
Dyskusija. Pra što i jak maŭčać i razmaŭlajuć strachi? Maderatarka Iryna Hierasimovič
Dyskusija. Tavarystva ŭkrainskaj litaratury pry SBP i biełaruska-ŭkrainski almanach «Sprava» jak sproba multykulturnaha dyjałohu. Maderatary Natałka Babina, Aleś Navaryč
Dyskusija. Jeŭropa: novy nacyjanalizm. Maderatar Alaksiej Bratačkin
Dyskusija. Zrazumieć Ukrainu: hod ukrainskaj litaratury ŭ kniharni «łohvinaŬ». Maderatar Ihar Babkoŭ
Finalnaja dyskusija. Dyjałoh: litaratura jak prastora dla kansalidacyi. Maderatarka Volha Šparaha
Litaraturny pierformans Alaŭciny Kachidze «Zvanki sa Ždanaŭskich mohiłak»
Paetyčna-muzyčny vystup Volhi Hapiejevaj i Aortha
Zakryćcio fiestyvalu
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary