Chimiki adkryli malekułu, jakaja źniščaje «niepieramožny» rak

Rasijskija chimiki i supracoŭniki amierykanskaj kampanii Immune Pharmaceuticals adkryli złučeńnie siery, vuhlevadarodaŭ i azotu, zdolnaje źniščać rakavyja kletki, ustojlivyja da dziejańnia inšych vidaŭ chimijaterapii. Pra heta havorycca ŭ artykule, apublikavanaj u časopisie European Journal of Medicinal Chemistry.

«Vybar kłasa złučeńniaŭ nie vypadkovy. Sprava ŭ tym, što mnohija aminaizatyjazoły demanstrujuć šyroki śpiektr farmakałahičnaj i bijałahičnaj aktyŭnaści. Tamu my vykazali zdahadku, što złučeńni hetaha kłasa z naležnymi chimičnymi hrupami mohuć prajaŭlać supraćrakavuju aktyŭnaść», — raspaviadaje Alaksandr Kisialoŭ z Maskoŭskaha fiztecha ŭ Daŭhaprudnym, čyje słovy pryvodzić pres-słužba MFTI.

Chimijaterapija, pry dapamozie jakoj daktary źniščajuć puchliny, pracuje dvuma šlachami — abo paškodžvajučy DNK rakavych kletak, prymušajučy ich samalikvidavacca, abo pieraškadžajučy ich rostu i dzialeńniu. Druhi sposab siońnia stanovicca ŭsio bolš papularnym, bo jon nie pryvodzić da źjaŭleńnia jašče bolš ahresiŭnych vidaŭ rakavych kletak z-za raźvićcia novych mutacyj u ich hienomie.

Preparaty hetaha typu, tak zvanyja antymitotyki, razburajuć tubulin — adzin z bazavych białkoŭ kletak, krytyčna važny dla dzialeńnia.

Padobnyja rečyvy byli atrymanyja jak sintetyčnym šlacham, tak i znojdzieny ŭ tkankach trapičnych raślin. Akramia taho, niadaŭna navukoŭcy z MFTI znajšli «narychtoŭki» dla antymitotykaŭ u piatrušcy i kropie.

Pavialičyć

U svajoj rabocie navukoŭcy apisali novy mietad sintezu malekuł, jaki dazvalaje dosyć chutka i tanna atrymlivać supraćrakavyja leki. Vykarystoŭvajučy hetuju mietodyku, chimiki z Rasii i ich zamiežnyja kalehi sabrali try dziasiatki varyjantaŭ padobnych preparataŭ, efiektyŭnaść jakich jany pravieryli, pasprabavaŭšy źniščyć kultury rakavych kletak i zarodki marskich vožykaŭ.

Jak pakazali ekśpierymienty, dadańnie da padobnaj malekuły dvuch novych vuhlevadarodnych «kolcaŭ», jakija ŭtrymlivajuć u sabie atamy kisłarodu i siery, prykmietna pavysiła jaje aktyŭnaść i «navučyła» jaje spyniać pracesy dzialeńnia navat u tych rakavych kletkach, na jakija nie dziejničaje zvyčajnaja chimijaterapija.

Dziesiać inšych rečyvaŭ taksama prademanstravali vysoki ŭzrovień aktyŭnaści i mohuć vykarystoŭvacca dla baraćby z rakam.

U dalejšym navukoŭcy źbirajucca vyvučyć toje, jak pabudavanaje heta rečyva i jak jano złučajecca ź mikratrubačkami ŭnutry kletak, jakija dzielacca, i razburaje ich. Takija viedy dapamohuć palepšyć ŭłaścivaści lekaŭ i dazvolać stvaryć ich anałahi, jakija adroźnivajucca ad ich pa struktury i «bajavych» charaktarystykach.

• 1
• 0
• 0
• 0
• 0
• 0
• 0
• 0