U zajavie paviedamlajecca, što 15 lutaha hrupa asob z pašpartami hramadzian Rasii i žurnalisckimi paśviedčańniami, u pryvatnaści vydańnia «Ruskaja płanieta», pasprabavała sarvać pres-kanfierencyju Śpiecyjalnaha pradstaŭnika Staršyni ABSIE ŭ Trochbakovaj kantaktnaj hrupie pa ŭrehulavańni situacyi na ŭschodzie Ukrainy, pasła Marcina Sajdzika.
Ukazanyja asoby raskidvali ŭlotki i vykrykvali łozunhi, jakija pieraškadžali pasłu kamunikavać z pradstaŭnikami ŚMI.
U vyniku ich vydalili z pradstaŭnikami pravaachoŭnych orhanaŭ ź miesca praviadzieńnia mierapryjemstva. Pres-kanfierencyja adbyłasia, i pradstaŭniki ŚMI atrymali infarmacyju pra vyniki raboty Trochbakovaj kantaktnaj hrupy ŭ Minsku.
Pres-słužba MZS Biełarusi rasceńvaje hetyja dziejańni jak śviadomuju pravakacyju, skiravanuju na zryŭ pieramovaŭ i dyskredytacyju Minskaj pieramoŭnaj placoŭki.
Biełaruski bok budzie i dalej prymać usie miery dla zabieśpiačeńnia biaśpieki i bieśpieraškodnaj pracy Trochbakovaj kantaktnaj hrupy, i nieadkładna spyniać usie sproby pieraškodzić jaje pracy.
Kamientary