Avijakampanija Belavia adnaŭlaje rejsy ź Minska na tajłandski vostraŭ Pchukiet. Pieršyja pieraloty pa hetym maršrucie zapłanavanyja na 21 i 23 kastryčnika, a zvarotnyja rejsy z Pchukieta pačnucca 30 kastryčnika.
Z 29 kastryčnika rejsy buduć vykonvacca na rehularnaj asnovie dva razy na tydzień. Vylety ź Minska praduhledžanyja pa čaćviarhach i niadzielach, a z Pchukieta — pa piatnicach i paniadziełkach.
Košt kvitka ŭ adzin bok pačynajecca ad 1731 rubla, a pieralot tudy i nazad — ad 3057 rubloŭ.
Upieršyniu Belavia adkryła rejsy na Pchukiet u studzieni hetaha hoda, adnak jany vykonvalisia prykładna raz na dziesiać-adzinaccać dzion. U kancy viasny paloty ŭ Tajłand, a taksama ŭ Dananh (Vjetnam), byli prypynienyja praz rezki rost koštu avijacyjnaha paliva i jaho deficyt na asobnych maršrutach.
U kampanii adznačajuć, što situacyja z zabieśpiačeńniem palivam pastupova palapšajecca, tamu ŭ zimovym raskładzie znoŭ źjaviacca rejsy ŭ Tajłand. Akramia Pchukieta, z 25 kastryčnika Belavia płanuje adnavić rehularnyja paloty ź Minska ŭ Banhkok.
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary