Siońnia, 3 sakavika, ŭ Breście za ŭdzieł u niesankcyjanavanym «Maršy tuniejadciev» 26 lutaha supracoŭniki milicyi zatrymali Andreja Šarendu i Natallu Papkovu. Aktyvistaŭ zatrymali napiaredadni čarhovaj niesankcyjanavanaj akcyi suprać dekreta ab darmajedach, jakaja zapłanavanaja na vychodnyja.
Kala 18.30 na vulicy milicyjanty zatrymali bresckaha aktyvista Andreja Šarendu, paviedamiŭ TUT.BY pravaabaronca Raman Kiślak. Surazmoŭca adznačyŭ, što raniej Andreja Šarendu vyklikali ŭ milicyju, kab toj daŭ tłumačeńni z nahody ŭdziełu ŭ niesankcyjanavanym Maršy.
«U Leninskim RAUS paćvierdzili, što Andrej Šarenda znachodzicca ŭ ich pa administracyjnaj spravie. Jakoj — nie ŭdakładnili», — patłumačyŭ pravaabaronca.
U pres-słužbie UUS Bresckaha abłvykankama TUT.BY paćvierdzili, što Andrej Šarenda znachodzicca ŭ Leninskim RAUS Bresta.
Raniej stała viadoma pra zatrymańnie aktyvistki Abjadnanaj hramadzianskaj partyi Natalli Papkovoj. Dva supracoŭniki milicyi pasadzili jaje ŭ cyvilny aŭtamabil i pavieźli. Paźniej stała viadoma, što jana znachodzicca ŭ psichijatryčnym stacyjanary abłasnoha psichanieŭrałahičnaha dyspansiera.
Zavadatarku «Maršu darmajedaŭ» u Breście zatrymali i advieźli ŭ psichdyspansier
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary