Siarhiej Brylin staŭ hałoŭnym trenieram zbornaj Biełarusi pa chakiei. Takoje rašeńnie pryniaŭ vykanaŭčy kamitet Fiederacyi chakieja Respubliki Biełaruś na pasiadžeńni 20 žniŭnia.
52‑hadovy rasijski śpiecyjalist budzie sumiaščać pracu ŭ biełaruskaj zbornaj z pasadaj hałoŭnaha treniera minskaha «Dynama». Kłub jon uznačaliŭ 17 lipienia 2026 hoda, padpisaŭšy kantrakt na try siezony. Raniej pradstaŭniki biełaruskaha chakieja adznačali, što sumiaščeńnie pasad hałoŭnaha treniera minskaha kłuba KCHŁ i nacyjanalnaj zbornaj užo davała stanoŭčy vynik.
Siarhiej Brylin maje vialiki dośvied pracy ŭ amierykanskim chakiei. Jon pravioŭ 27 hadoŭ u sistemie kłuba NCHŁ «Ńju-Džersi Deviłz» — spačatku jak hulec, a paśla jak trenier. U jakaści chakieista Brylin pravioŭ 13 siezonaŭ u NCHŁ i trojčy vyjhravaŭ Kubak Stenli — u 1995, 2000 i 2003 hadach.
Paśla zaviaršeńnia hulniavoj karjery jon pracavaŭ u trenierskim štabie «Ńju-Džersi Deviłz», byŭ kansultantam, asistentam u farm-kłubie i asnoŭnaj kamandzie. Apošnija čatyry hady Brylin uvachodziŭ u trenierski štab hałoŭnaj kamandy «Deviłz». U studzieni 2024 hoda jaho ŭklučyli ŭ Zału słavy «Ńju-Džersi Deviłz».
Jość u Brylina i dośvied vystupleńniaŭ za zbornuju Rasii. Jon staŭ bronzavym pryzioram čempijanatu śvietu 2007 hoda, a taksama zavajoŭvaŭ bronzu na maładziožnym čempijanacie śvietu 1994 hoda i junackim čempijanacie Jeŭropy 1992 hoda. U KCHŁ u jakaści hulca jon vystupaŭ za SKA i novakuźniecki «Mietałurh».
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač2
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1515
Kamientary