Eks-prezident Kyrhyzstana ŭžo siem hadoŭ žyvie ŭ Biełarusi. Viadoma, što pieršy čas Kurmanbiek Bakijeŭ znachodziŭsia ŭ rezidencyi Płaŭna, ab jakoj niadaŭna raspaviadaŭ sam prezident. A na dniach u intervju radyjo «Svaboda» Bakijeŭ pryznaŭsia: viasnoj źbirajecca pierajechać u dom, jaki budavaŭ u Minsku piać hadoŭ.
REALTY.TUT.BY pahladzieŭ, jak vyhladaje asabniak eks-prezidenta Kyrhyzstana.
Pra toje, što ŭ Ržaŭcy na vulicy bankiraŭ budujecca dom Bakijeva, było viadoma jašče ŭ 2015 hodzie. U toj čas asabniak ŭžo byŭ pabudavany, unutry išli azdobnyja pracy. Miascovyja žychary raskazvali, što nie raz bačyli tut i samoha haspadara doma. Dumali, što voś-voś jon spravić ułaziny.
Ale, jak akazałasia, dla hetaha treba było jašče dva hady: dniami Bakijeŭ pryznaŭsia, što viasnoj źbirajecca pierajechać u novy dom.
U intervju radyjo «Svaboda» Kurmanbiek Bakijeŭ raspavioŭ pra novy dom:
— Drazdy — naprava, a heta — ŭ levy bok, niedaloka ad «Miensk-Areny». Tam užo piać hadoŭ budujem dom. Ja spadziajusia, sioleta viasnoj skončym, pierajedziem. (…) A pakul u Drazdach žyviem u rezydencyi, płacim usie pasłuhi, jak treba: za žyllo, za vadu, za śviatło, za kamunalnyja pasłuhi — za ŭsio. My na šyi ŭ biełaruskaj dziaržavy nie siadzim. I za darmajedztva taksama nia płacim — žonka pracuje.
Čytajcie:
Bakijeŭ: Žyvu ź siamjoj u rezidencyi ŭ Drazdach, ale płaču za ŭsie kamunalnyja pasłuhi
Nahadajem, dom Bakijeŭ pabudavaŭ u mikrarajonie Lebiadziny (byłaja vioska Ržaviec) na vulicy Miastraŭskaj, pobač z čynoŭnikami i spartsmienami. Dom vyłučajecca na fonie susiednich architekturaj. Učastak abharodžany akuratnym płotam z kavanymi elemientami.
Rabić aharodžu vysokaj tut nie było asablivaha sensu: za «sotkami» Bakijeva — šmatkvaterny VK «Brasłaŭski», tam ź luboha akna bačnyja ŭładańni eks-prezidenta Kyrhyzstana.
— Dy chto ž tady, piać hadoŭ tamu moh padumać, što tut budzie takaja ščylnaja zabudova? — pytańniem na pytańnie adkazvajuć budaŭniki, jakija pracujuć na ŭčastku Bakijeva. — Ludzi ž raźličvali na toje, što tut zastaniecca zakaźnik, budzie spakojna.
Padrabiaznaściaŭ ab domie budaŭniki nie raspaviadajuć, haspadara nazyvajuć pamiž saboj «tata» i nahadvajuć, što im zabaroniena kamunikavać z presaj. Zrešty, i biez słoŭ vidać, što tam adbyvajecca: na dachu doma adzin z rabotnikaŭ šaruje da blasku trubu, ustaloŭvaje jaje ŭ komin; z paradnaha ŭvachodu vynosiać kardonnuju ŭpakoŭku ad chaładzilnika Smeg.
U pryadčynienuju bramku vidać dvor: tam vykładzienaja plitka, pasadžanyja drevy i chmyźniaki.
Na ŭčastku akramia asabniaka źmiaścilisia jašče altanka, haściavy dom i haraž — usie ŭ adzinym styli.
— Da leta tut dakładna ŭsio ŭžo budzie hatova, — zapeŭniŭ adzin z rabotnikaŭ. — Tak što ŭłaziny buduć, nie sumniavajciesia.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary