Hrupa biełaruskich aktyvistaŭ zatrymanaja pa padazreńni ŭ «arhanizacyi masavych biesparadkaŭ»
Knihanoša Aleś Jaŭdacha zatrymany pa padazreńni ŭ «arhanizacyi masavych biesparadkaŭ». Pra heta napisaŭ u svaim fejsbuku namieśnik staršyni Sajuza biełaruskich piśmieńnikaŭ Usievaład Ścieburaka.
«Asoby z KDB, što rabili vobšuk unočy na kvatery Alesia pradjavili rodnym ordar i skazali, što Aleś aryštavany pa abvinavačvańni ŭarhanizacyi padrychtoŭki masavych biesparadkaŭ. Kryminalny kodeks RB art 293, častka № 3. Paviedamili, što Prakuratura budzie «paviedamlena» sieńnia. Pakolki vierahodna zatrymany ŭ SIZA KDB - pieradačaŭ pakul nie voźmuć. Z kvatery ŭziali niešta simvaličnaje. Viarnuli klučy ad mašyny, na jakoj Aleś pryjechaŭ na Kastryčnickuju (miesca zatrymańnia)».
Učora byli taksama zatrymanyja ŭdzielnik byłoj vajskova-patryjatyčnaj supołki «Bieły lehijon» Mirasłaŭ Łazoŭski (na nižnim fota pasiaredzinie) i žychar stalicy Andrej Dundukoŭ (na fota sprava).
Jość infarmacyja i pra inšych zatrymanych. Pa stanie na 10.40 našy karespandenty praviarajuć jaje.
Žychar Minska Andrej Dundukoŭ byŭ zatrymany, kali razam z žonkaj i dziciem jechaŭ na adpačynak.
Pra Andreja Dundukova viadoma, što jon amatar ekstremalnaha turyzmu, skačkoŭ z parašutam, vadałažańnia, promaalpinizmu, strajkboła.
Mirasłava Łazoŭskaha ludzi ŭ cyvilnym i dvoje ŭ čornaj vopratcy dy ŭ maskach na tvarach pryvieźli Mirasłava damoŭ i praviali pieratrus.
«Byŭ źbity, tvar u kryvi. Zaviali ŭ kajdankach i pasadzili na zedlik tvaram da ściany. Dazvolili tolki dać papić, razmaŭlać nie dazvolili», — raskazała jahonaja niaviesta Śviatłana.
Z zabranych rečaŭ Śviatłana pamiataje kampjutar, jejny płanšet. «Skazali, što dla pravierki».
Taksama ŭ jaho zabrali šaŭron arhanizacyi «Bieły lehijon».
Sa słoŭ Śviatłany, čałaviek, jaki pravodziŭ pieratrus, paćvierdziŭ, što jon źviazany z zaklikami da ŭzbrojenaj baraćby, jakija źjavilisia ŭ internecie nibyta ad imia Mirasłava Łazoŭskaha.
«Jahony akaŭnt u fejsbuku byŭ uzłamany, źjaviŭsia hety zaklik, da jakoha jon nie maje dačynieńnia», — raskazała jana.
Kniharaspaŭsiudnik Aleś Jaŭdacha byŭ zatrymany nieviadomymi paśla cyrymonii ŭručeńnia premij «Debiut» Biełaruskaha PEN-centra, što prajšła ŭviečary 21 sakavika ŭ vystavačnaj prastory «CECH» na vulicy Kastryčnickaj u Minsku.
Adrazu paśla cyrymonii asoby ŭ cyvilnym brutalna zatrymali i źvieźli Jaŭdachu. Pra heta ŭ fejsbuku paviedamiła Viera Ścieburaka.
Jak stała viadoma paźniej, doma ŭ jaho taksama byŭ pieratrus.
Aleś Jaŭdacha zajmaŭsia handlem knihami poštaj i ŭraznos, heta byŭ biznes z małymi abarotami. Jon pradavaŭ knihi Bykava, Arłova, Baradulina.
Praz svaju dziejnaść jon užo mieŭ prablemy padatkovaha charaktaru ŭ 2010—2012 hadach, jakija skončylisia sudom i štrafam. Jamu prysudzili hod abmiežavańnia voli biez nakiravańnia na chimiju i štraf 57 miljonaŭ, na spłatu jakoha źbirali hrošy ŭsioj biełaruskaj hramadoj. Sam Jaŭdacha źviazvaŭ pieršuju spravu z tym, što ŭziaŭ na raspaŭsiud u tym liku knihu «Maładafrontaŭcy».
Voś jahonaja kniharnia «Knihi — poštaj».
Ciapier čytajuć
Cciapan Łatypaŭ treci raz sprabavaŭ ździejśnić suicyd u turmie4
Cciapan Łatypaŭ treci raz sprabavaŭ ździejśnić suicyd u turmie
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary