«Tamahaŭk» — pa-anhielsku Tomahawk vymaŭlajecca jak «Tamahok» — udarnaja siła amierykanskaj armii i fłota. «Tamahaŭki» byli pastaŭlenyja na ŭzbrajeńnie ŭ 1983 hodzie, i ad taho času vykarystoŭvalisia ŭ cełym šerahu kanfliktaŭ.
Nazva ich pachodzić ad staražytnaj indziejskaj siakierki, jakuju špurlali.
Hałoŭnyja asablivaści kryłatych rakiet — vysokaja dakładnaść (da 5—10 mietraŭ), palot na hranična nizkich vysotach, što dazvalaje abychodzić sistemy supraćpavietranaj abarony, a taksama tannaść.
Dalnaść palotu apošnich viersij «Tamahaŭka» — da 2500 kiłamietraŭ.
ZŠA ŭžyvała «Tamahaŭki», pačynajučy z vajny suprać Iraka ŭ 1991 hodzie.
Usiaho za čas kanfliktaŭ Amieryka vypuściła ŭžo bolš za 2000 «Tamahaŭkaŭ».
Na siońnia «Tamahaŭki» stajać na ŭzbrajeńni amierykanskaha fłota (ich moža być ad 4000 da 5000). Nievialikuju kolkaść ich taksama maje brytanski fłot. Za hod amierykanski kancern Raytheon zdolny vyrabić prykładna 400—500 takich rakiet. Košt adnoj składaje na siońnia kala 1,6 młn dalaraŭ.
Ciapier čytajuć
Adzin z zahinułych siońnia vajskoŭcaŭ — 26‑hadovy minčuk Kirył. Što pra jaho viadoma9
Kamientary