Kałumnist «Sovietskoj Biełoruśsii» brudna vykazaŭsia pra «spravu patryjotaŭ»
Tema «Biełaha lehijona» nie sychodzić sa staronak dziaržaŭnych ŚMI. Na hety raz vykazaŭsia Andrej Mukavozčyk, zasnavalnik biełaruskaha Kłuba viasiołych i znachodlivych. Uradženiec rasijskaha Navasibirska — stały kałumnist «Sovietskoj Biełoruśsii».
«Bolšaść «niezaležnych» sajtaŭ, možna navat tak vykazacca, raśpisałasia va ŭłasnaj biezadkaznaści. Pierakaz, niepierakanaŭčaja źjedlivaść, niaŭdałaja ironija, vyryvańnie cytat… — aburajecca Mukavozčyk. — Nie ŭ bryvo, a ŭ voka, vidać, pryjšoŭsia paprok žurnalistaŭ BT, što «niezaležnyja ŚMI pracavali na papularyzacyju mitynhaŭ». A što — chiba nie tak było? Tak. Tamu ciapier, pakul śledčyja pracujuć, treba terminova «adpaŭźci» choć trochi dalej ad smurodnaj jamy, jakuju — pa zamovie abo pa nieabdumanaści — sami ž i dapamahali ryć. «Štampy», «strašyłki», «bred» i «pałochajuć» — voś i ŭsia, daruj Boža, «analityka z arhumientami».
«Prapahanda, vymysły, namioki, markiery» — nie pra toje vy, spadary! Japonski «žurnalist» — «dudajeviec», «ihiłaviec», isłamist, aryštavany kurdami pad Masułam, jakoha vysyłali ź Iraka, jaki ŭziaŭsia prylacieć da nas z Kijeva, — jon byŭ ci nie? Zatrymanyja «lehijaniery» — jeździli na Majdan pa vopyt? UNA-UNSO na «Čarnobylski šlach» zaprašali, sialili, załahodžvali? Było takoje? Nie biehali darosłyja dziadźki, «lehijaniery», pa našych lasach, nie vučylisia stralać, schron nie kapali — tak ci nie? Faktaŭ pryviedziena dastatkova, choć adzin vy možacie asprečyć? Nie možacie. A heta ž usio vašy «hieroi», vy pra ich pisali, intervju brali, u rot hladzieli. Voś i davodzicca tolki adbrechvacca ŭ sprobach choć niejak zachavać tvar», — praciahvaje šoumen.
«I jašče fakty: zabaŭna, što 10 sakavika ŭ Maładziečnie byli zatrymanyja troje «lidaraŭ», 12 sakavika ŭ Oršy byŭ zatrymany jašče adzin. Usie atrymali pa 15 sutak i paśpiachova «pierasiadzieli» minskija padziei 25 sakavika. Da 24 sakavika svaje podpisy pad zajaŭkaj na praviadzieńnie akcyi i šeścia adklikali ŭsie — usie! — zajaŭniki, heta jašče 5 hramadskich ruchaŭ i partyj i ich kiraŭnictva. A Statkievič, jaki hučniej za ŭsich zaklikaŭ «na płošču», i zusim zahadkava źnik… Što ž atrymlivajecca, ŭsie pra ŭsio viedali? Padazravali? Śpinnym mozham adčuvali? Padobna na toje, tak. Usio heta — «niezaležnymi kamientatarami» nie asprečvajecca», — padsumoŭvaje Mukavozčyk.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary