Alaksandr Łukašenka 7 žniŭnia ździejśniŭ šerah kadravych pryznačeńniaŭ. Siarod inšaha, namieśnikam ministra zamiežnych spravaŭ staŭ Andrej Dapkiunas, jaki raniej pradstaŭlaŭ Biełaruś u AAN. U Ńju-Jork ža pajechaŭ inšy namieśnik Uładzimira Makieja Valancin Rybakoŭ.
Andrej Dapkiunas byŭ, možna skazać, duajenam siarod biełaruskich pasłoŭ — jon najdaŭžej zajmaŭ svaju pasadu. Pry AAN jon pracavaŭ ad 2004 hoda.
Dapkiunasu 54 hady, naradziŭsia ŭ Minsku, pachodzić ź intelihientnaj siamji. Jahony baćka — viadomy teatralny dziejač, pracavaŭ u Ministerstvie kultury, Kupałaŭskim teatry. Jahonaja mama ŭznačalvała muziej Janki Kupały.
U 2011-m dypłamata adklikali ź Ńju-Jorka (byŭ ukaz Łukašenki). Na radzimie jaho čakali «hutarki» ŭ Kamitecie dziaržbiaśpieki — jaho padazravali ŭ suviaziach z kandydatam u prezidenty Sańnikavym. Chadziła havorka, što na Dapkiunasa napisali danosy supracoŭniki pradstaŭnictva. Ale dypłamat źniaŭ ź siabie padazreńni, i jaho viarnuli ŭ Ńju-Jork.
Admietna, što pad načałam Dapkiunasa ŭ ZŠA pracavaŭ syn ministra zamiežnych spravaŭ Uładzimira Makieja. Na dypłamatyčnaj słužbie Dapkiunas ad pačatku biełaruskaj niezaležnaści — ad 1992 hoda.
Cikavym źjaŭlajecca toj fakt, što Andrej Dapkiunas źjaŭlajecca svajakom Janki Kupały. Jahonaja mama — Žanna Dapkiunas — źjaŭlajecca ŭnučataj plamieńnicaj vialikamu paetu. Prababulaj Andreja Dapkiunasa była Leakadzija (Lola) Ramanoŭskaja — rodnaja siastra Janki Kupały.
Kamientary