Michaił Krasnabajeŭ staŭ mastackim kiraŭnikom Nacyjanalnaha akademičnaha dramatyčnaha teatra imia Jakuba Kołasa, paviedamlaje BiełTA. Rašeńnie ab pryznačeńni režysiora Kołasaŭskaha teatra jaho mastackim kiraŭnikom było pryniata siońnia na ahulnym schodzie kalektyvu. Mierapryjemstva prajšło z udziełam ministra kultury Barysa Śviatłova.
Uvieś tvorčy šlach Michaiła Krasnabajeva źviazany ź viciebskim teatram. Jon pryjšoŭ siudy pracavać artystam u 1985 hodzie paśla zakančeńnia teatralnaha fakulteta Biełaruskaha dziaržaŭnaha teatralna-mastackaha instytuta. U 2000—2001 hadach Michaił Krasnabajeŭ prajšoŭ režysiorskuju padrychtoŭku ŭ Maskvie (vučyŭsia ŭ narodnaha artyst Rasii Piatra Famienki). U 2004 hodzie staŭ režysioram-pastanoŭščykam Kołasaŭskaha teatra.
Pieršy pastaŭleny im śpiektakl — «Vierabjinaja noč» pa matyvach prałohu da ramana Uładzimira Karatkieviča «Nielha zabyć». Treba adznačyć, što śpiektakli pa tvorach Karatkieviča zajmajuć asablivaje miesca ŭ tvorčaści Michaiła Krasnabajeva. U apošnich hadach jon pastaviŭ u teatry śpiektakli «Da trecich pieŭniaŭ», «Šukajem tenara!», «Śmiarotny numar», «Śniežnaja karaleva», «Pryhody Dziujmovački», «Doktar fiłasofii».
Ciapier režysior pracuje nad adnaŭleńniem śpiektakla «Pierabor» pa tvory Chierbierta Bierhiera, prystupaje da pastanoŭki pjesy Maksima Horkaha «Apošnija».
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi27
Kamientary