Siońnia ŭpieršyniu ŭ Biełarusi startuje kinapremjera ŭ masavym prakacie pa-biełarusku
Prajekt «Biełaruskija ŭikendy» Andreja Kima supolna z mabilnym apierataram velcom i pravajderam «Atłant-Telekam» zładzić da 500-hodździa biełaruskaha knihadruku pieršuju ŭ sučasnaj Biełarusi šyrokuju premjeru zamiežnaha filma ŭ biełaruskaj ahučcy.
Niderłandzki film «Štorm: pałajučy list» (Storm: Letters van Vuur) 2017 hodu raspaviadaje pra ratavańnie 12-hadovym Štormam Votanam rukapisu Marcina Lutera i svajho ŭłasnaha baćki-knihavydaŭca ad inkvizycyi. Biudžet filma skłaŭ 6 młn jeŭra, rolu baćki chłopčyka vykanaŭ Joryk van Vacheninhien, jaki raniej zdymaŭsia ŭ «Chronikach Rydyka», «Dziaŭčynie z tatuiroŭkaj drakona» i «47 roninach».
«Film «Štorm: pałajučy list» — heta najpierš pryhodnickaja stužka, — raspaviadaje pradstaŭnik velcom Viačasłaŭ Śmirnoŭ. — Adnak adsyłki da histaryčnych faktaŭ, źmieščanyja ŭ im, nia tolki farmujuć cikavy siužet, ale i pieraklikajucca z važnymi padziejami našaj historyi — u pryvatnaści, ź 500-hodździem biełaruskaha knihadrukavańnia. Tamu simvalična, što film, pryśviečany hetym padziejam, upieršyniu na sučasnym etapie raźvićcia biełaruskaha kinaprakatu budzie pradstaŭleny adrazu ŭ biełaruskamoŭnaj ahučcy».
Premjera ŭ Miensku projdzie 27 kastryčnika ŭ minskich kinateatrach «Aŭrora», «Biełaruś» i «Maskva», a taksama ŭ troch kinateatrach sietki Silverscreen. Film budzie iści dva tydni ŭ stalicy, u listapadzie taksama budzie prezientavany ŭ inšych haradach Biełarusi.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary