Dziakuj za zhodu sustrecca

i pryznaŭsia, što za dva apošnija hady pieravioŭ pałovu zołatavalutnaha zapasu ŭ rasiejskija rubli. Sa słovaŭ Łukašenki, jon pryjechaŭ paraicca, što rabić u sytuacyi finansavaha kryzisu.

Siońnia ŭ zamku Majendorf pad Maskvoj prajšła sustreča prezydentaŭ Biełarusi i Rasiei, jakaja doŭžyłasia bolš za try hadziny. Napačatku nijakich padrabiaznaściaŭ nie paviedamlałasia, i adkrytymi dla hramadzkaści byli tolki tyja karotkija repliki dla telekamer, jakimi abmianialisia kiraŭniki dziaržavaŭ pierad pieramovami.

Stenahrama hetych vykazvańniaŭ apublikavanaja na sajcie prezydenta Rasiei. Dźmitry Miadźviedzieŭ, vitajučy hościa, adznačyŭ, što siońnia varta abmierkavać sytuacyju, što skłałasia na finansavych rynkach. Pavodle Miadźviedzieva, napiaredadni mižnarodnaha samitu dvaccatki, “chaciełasia b, kab my z najbližejšymi partnerami, takimi dziaržavami, jak Biełaruś, abaviazkova abmierkavali sumiesnuju pazycyju z hetaj nahody”

“Biełarusi važnaje bačańnie rasiejskim bokam nastupstvaŭ suśvietnaha finansavaha kryzisu”, — zajaviŭ Łukašenka, bo “my pryviazanyja da Rasiei z punktu hledžańnia ekanomiki, finansavaj systemy”. Pavodle biełaruskaha prezydenta, “amal pałova zołatavalutnych zapasaŭ u nas u rasiejskich rublach”. Łukašenka ličyć, što ŭ dvuchbakovych adnosinach treba dać ludziam “niejkija pazytyŭnyja syhnały”. “Miarkuju, nam budzie što skazać paśla hetaj sustrečy”, — zajaviŭ biełaruski kiraŭnik.

Svaje ŭstupnaje słova Łukašenka raptam skončyŭ vykazvańniem udziačnaści Miadźviedzievu za zhodu sustrecca ź im: “Dziakuj za toje, što Vy adreahavali na maju prośbu sustrecca. Dziakuj za toje, što znajšŭli čas u svoj vychodny dzień, bo ŭ Vas hrafik napružany”.

“U nas niama vychodnych, Alaksandr Ryhoravič”, — adkazaŭ na heta Miadźviedzieŭ.

U vyniku trochhadzinnaj razmovy presavy sakratar prezydenta Rasiei Natalla Cimakova vydała karotkaje paviedamleńnie, u jakim painfarmavała, što prezydenty abmierkavali “uvieś kompleks dvuchbakovych adnosin”. “Razmova, u pryvatnaści, išła ab padrychtoŭcy da pryznačanaha na kaniec listapada — pačatak śniežnia pasiedžańnia najvyšejšaj dziaržrady Rasieja-Biełaruś. Abmiarkŭvałasia taksama sytuacyja vakoł cenaŭ na enerhanośbity”, —dadała Cimakova.

Cikava, što raniej aficyjnyja krynicy paviedamlali, što sustreča Miadźviedzieva i Łukašenki ŭ ramkach Dziaržaŭnaj rady “sajuznaj dziaržavy” pavinna prajści 3 listapada.

• 0
• 0
• 0
• 0
• 0
• 0
• 0
• 0