Alesiu Bialackamu ŭ Osła ŭručyli Nobieleŭski dypłom i znak łaŭreata
Kiraŭnik pravaabarončaha centra «Viasna», łaŭreat Nobieleŭskaj premii miru 2022 hoda Aleś Bialacki, praz try hady paśla prysudžeńnia jamu ŭznaharody atrymaŭ dypłom i znak łaŭreata ŭ Narviežskim Nobieleŭskim instytucie. Na cyrymonii jaho vitaŭ staršynia Nobieleŭskaha kamiteta Jorhien Vatne Frydnes, piša Deutsche Welle.
Alesia Bialackaha supravadžała jahonaja žonka Natalla Pinčuk, jakaja ŭ 2022 hodzie pradstaŭlała jaho na cyrymonii ŭručeńnia premii. Bialacki ŭ svajoj prynahodnaj pramovie adznačyŭ, što praca dla vyzvaleńnia palitviaźniaŭ praciahvajecca i zasiarodziŭ uvahu na tym, što ŭ turmach usio jašče znachodziacca pravaabaroncy, žurnalisty i hramadskija aktyvisty. Jon zaklikaŭ praciahvać cisk na biełaruskija ŭłady dziela vyzvaleńnia ŭsich palitźniavolenych.
Aleś Bialacki byŭ zatrymany 14 lipienia 2021 hoda i asudžany na 10 hadoŭ kałonii. Jaho pryznali vinavatym u kantrabandzie arhanizavanaj hrupaj i finansavańni hrupavych dziejańniaŭ, jakija hruba parušajuć hramadski paradak. 13 śniežnia jon byŭ vyzvaleny razam z 122 inšymi palitviaźniami i vydvarany za miežy Biełarusi.
Nobieleŭskuju premiju miru 2022 hoda Aleś Bialacki atrymaŭ razam z rasijskim tavarystvam «Miemaryjał» i ŭkrainskaj arhanizacyjaj «Centr hramadzianskich svabod».
Bialacki ŭ tekście dla New York Times: Śviet nie pavinien śpisvać Biełaruś jak krainu, jakaja kančatkova adyšła ŭ śfieru ŭpłyvu Rasii
Voś čamu na zvarocie Cichanoŭskaj nie było Bialackaha i Cichanoŭskaha
Aleś Bialacki nazvaŭ, chto dla jaho maralny aŭtarytet
Bialacki: Azaronka ŭ kałonii ciarpieć nie mohuć, vyklučajuć adrazu
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary
- A. Bialacki
+1!!!!
chopić užo hetuju kopipastu pra "adryvańnie Łukašenki" ŭsiudy lapać. Adna i taja ž dumka, paŭtoranaja sto razoŭ, nie zrobicca ad taho ŭ sto razoŭ razumniejšaj.
Nijakaha adryvańnia ad impieryi łuka nie dapuścić, jon svajo miesca na miažy miž uschodam i zachadam vybudoŭvaŭ dziesiacihodździami. Ale jamu vyhodna, kab vy začaroŭvalisia prydumanaj "pierśpiektyvaj adryvu" i nie zaminali rabić hiešeft.