Łukašenka pra Aršanski avijaramontny zavod: Heta dziaržpradpryjemstva ad siońnia
Alaksandr Łukašenka patrabuje adnavić efiektyŭnuju pracu Aršanskaha avijaramontnaha zavoda. Adpaviednaje daručeńnie jon daŭ siońnia, naviedvajučy heta pradpryjemstva, paviedamlaje BiełTA
«Ułaśnika ŭžo tut niama (havorka ab akcyjanierach PAA «Mator Sič»(Ukraina) i ZAT «Sistemy inviestycyj i inavacyj»(Biełaruś). Ułaśniki — vy (dziaržaŭnyja arhanizacyi). Usie ŭłaśniki, jakija tut byli, jany admovilisia sami ad hetaha zavoda. Tamu dziejničajcie. Heta dziaržaŭnaje pradpryjemstva ź siońniašniaha dnia», — zajaviŭ kiraŭnik dziaržavy.
Jak paviedamili Alaksandru Łukašenku, padrychtavany praces viartańnia zavoda va ŭłasnaść dziaržavy. Adnak kiraŭnik dziaržavy vykazaŭ šerah narakańniaŭ u adras Ministerstva transpartu i kamunikacyj za toje, što jano i ŭ papiaredni pieryjad samaŭchiliłasia ad situacyi na hetym pradpryjemstvie. Pry hetym jon padkreśliŭ, što ŭ dadzienym vypadku adsutnaść va ŭłasnaści dziaržavy akcyj nie mahło słužyć apraŭdańniem. «Tut pracujuć maje ludzi, tvaje ludzi — biełarusy pracujuć, ruskija — našy hramadzianie Biełarusi. Jakaja roźnica, kamu naležać hetyja akcyi. Heta naša zadača, kab ludzi tut atrymlivali narmalnuju zarabotnuju płatu», — skazaŭ biełaruski lidar, źviartajučysia da ministra Anatola Sivaka.
Jon daručyŭ na praciahu lipienia vyrašyć usie pytańni ŭ dačynieńni da viedamasnaj padparadkavanaści pradpryjemstva. «Zavod pavinien pracavać, čaho b heta ni kaštavała. Zavodu nie tolki być — hety zavod pavinien mieć pierśpiektyvu raźvićcia. I pakładziecie mnie na stoł architekturny prajekt i inšaje z ulikam taho, što tut robić biznes dla pašyreńnia aeraporta i hetak dalej, — zajaviŭ jon. — Siadajcie i vyznačaje. Nie daj boh ja jašče raz pryjedu ŭ Oršu i budzie takaja situacyja».
Alaksandr Łukašenka ličyć nieabchodnym dakładna vyznačyć nie tolki bližejšyja płany pa raźvićci zavoda, ale i na pierśpiektyvu z ulikam taho, što padobnaje pradpryjemstva budzie zapatrabavana na praciahu mnohich hadoŭ. «Viertalotnaja vytvorčaść i madernizacyja, adnaŭleńnie, ramont viertalotaŭ — u śviecie ich mora — tamu kavałak pracy ŭ vas dobry», - źviarnuŭ uvahu kiraŭnik dziaržavy.
-
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna
-
Ministr Markaŭ zajaviŭ, što treba zmahacca z tymi, chto kaža pra ŭščamleńnie ruskaj ci biełaruskaj movy
-
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary