33-hadovaha Vitala Sałaŭčuka ź Biełarusi ŭčora ranicaj u Maskvie źbili rasijskija futbalisty Kakoryn i Mamajeŭ za toje, što jon zrabiŭ im zaŭvahu, paviedamlaje telehram-kanał Mash.
Heta adbyłosia za dźvie hadziny da źbićcia ŭ kafe dyrektara departamienta Minpramhandlu Rasii Dzianisa Paka.
Sałaŭčuk pracuje kiroŭcam i čakaŭ viadučuju Pieršaha kanała Volhu Ušakovu.
Pavodle Mash, kala siomaj ranicy futbalisty i ich siabry vyjšli z maskoŭskaha stryptyz-kłuba i pačali bić nahami mašyny na parkoŭcy. Jak i ŭ dalejšaj situacyi ŭ kafe, znajšoŭsia čałaviek, jaki zrabiŭ maładym ludziam zaŭvahu (h.zn. Viktar Sałaŭčuk). U adkaz kampanija napała na mužčynu i naniesła jamu niekalki ŭdaraŭ pa hałavie. U vyniku jon byŭ dastaŭleny ŭ reanimacyju sa strusam mozhu i čerapna-mazhavoj traŭmaj.
Maskoŭskaja milicyja pa fakcie źbićcia zaviała kryminalnuju spravu.
Nahadajem, što incydent z Pakam adbyŭsia 8 kastryčnika. Kakoryn z Mamajevym ustupili ŭ kanflikt z dyrektaram departamienta Minpramhandlu Rasii Dzianisam Pakam i dyrektaram pradpryjemstva «NAMI» Siarhiejem Hajsinym u adnym z kafe ŭ centry Maskvy. Kakoryn udaryŭ Paka kresłam pa hałavie. Pa paviedamleńniach vidavočcaŭ, abodva hulcy znachodzilisia ŭ nieadekvatnym stanie. Pak atrymaŭ zakrytuju čerapna-mazhavuju traŭmu.
Kamientary