Bukmiekiery abnavili śpis favarytaŭ na Nobieleŭskuju premiju pa litaratury
Da abviaščeńnia łaŭreata Nobieleŭskaj premii pa litaratury zastaŭsia miesiac. Bukmiekierskaja kantora Ladbrokes abnaviła śpis imaviernych pieramožcaŭ.
Hałoŭnaj favarytkaj bukmiekiery ličać kitajskuju piśmieńnicu Cań Siue, jakaja stvaraje ekśpierymientalnuju prozu. Staŭki na jaje pieramohu prymajuć z kaeficyjentam 10/1.
Na druhim miescy — japonski piśmieńnik Charuki Murakami, jakoha ŭžo šmat hadoŭ nazyvajuć siarod hałoŭnych pretendentaŭ na Nobieleŭskuju premiju. Jaho kaeficyjent — 14/1.
Taksama vysoka bukmiekiery aceńvajuć šancy amierykanca Tomasa Pinčana — 16/1.
Rasijskaja piśmieńnica Ludmiła Ulickaja idzie z kaeficyjentam 18/1.
Pa 20/1 majuć kanadskaja piśmieńnica Marharet Etvud, francuz Mišel Uelbiek i brytanska-indyjski piśmieńnik Sałman Rušdzi.
Siarod inšych viadomych imionaŭ u bukmiekierskim śpisie — ukrainski piśmieńnik Andrej Kurkoŭ (33/1), a taksama takija hihanty jak Styvien Kinh (50/1) i aŭtarka knih pra Hary Potera Džaan Roŭlinh (66/1).
Łaŭreata Nobieleŭskaj premii pa litaratury nazavuć 8 kastryčnika. Pry hetym bukmiekierskija rejtynhi nie adlustroŭvajuć sapraŭdnaha śpisa pretendentaŭ: infarmacyja pra naminacyi trymajecca ŭ sakrecie na praciahu 50 hadoŭ.
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač2
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1515
Kamientary