I znoŭ zahavaryŭ pra «nacyzm» u Jeŭropie.
Siarhiej Łaŭroŭ vystupiŭ na Uschodnim ekanamičnym forumie va Uładzivastoku. Razvažajučy pra ekanamičnyja prablemy, mihracyju i rost cen na enierhanośbity ŭ Jeŭropie, jon nazvaŭ staršyniu Jeŭrakamisii Ursułu fon der Lajen «fiurar Ursuła».
«Ursuła fon der Lajen — my jaje nazyvajem «fiurar Ursuła» — sprabuje ściahnuć u Jeŭrakamisiju tyja kampietencyi, tyja paŭnamoctvy, jakija pavodle rašeńniaŭ usiaho Jeŭrapiejskaha sajuza nie pieradavalisia Brusielu, a zastajucca ŭ nacyjanalnych uradaŭ», — skazaŭ rasijski ministr.
Łaŭroŭ zajaviŭ, što paśla padryvu «Paŭnočnych patokaŭ» staršynia Jeŭrakamisii nibyta skazała: «Tak, našy vybarcy buduć pakutavać, tamu što ceny na enierhiju buduć istotna vyšejšyja. Ale my abaviazanyja pakutavać dziela taho, kab ukrainski narod adstojvaŭ našy jeŭrapiejskija kaštoŭnaści».
Łaŭroŭ nazvaŭ adnoj z «jeŭrapiejskich kaštoŭnaściaŭ» nibyta «zakanadaŭčuju zabaronu ruskaj movy ŭ adukacyi, kultury, pobycie i srodkach masavaj infarmacyi» va Ukrainie i zajaviŭ, što heta šlach Jeŭropy «nazad u nacyzm».
Zajavy Łaŭrova prahučali padčas zachopnickaj vajny, jakuju Rasija viadzie suprać Ukrainy. Maskva rehularna vykarystoŭvaje abvinavačańni ŭ nacyźmie dla apraŭdańnia svajho ŭvarvańnia, choć mienavita rasijskija vojski akupavali častku susiedniaj krainy i razburajuć ukrainskija harady.
Ciapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru4
Kamientary