Adsutnaść siurpryzaŭ — najlepšaje, što moža prapanavać dziaržava biznesu, zajaviŭ 5 listapada pieršy vice-premjer Biełarusi Alaksandr Turčyn, adkryvajučy Šosty mižnarodny Kastryčnicki ekanamičny forum (KEF) «Biełaruś u dzivosnym novym śviecie».
«U Biełarusi mahčymaja evalucyja biez revalucyj, — padkreśliŭ Turčyn. — Najlepšy kurs — pradkazalny. Dla biznesu niama ničoha lepšaha za stabilnaść».
Udakładnieńnie: u raniejšaj viersii materyjała słovy čynoŭnika byli pracytavanyja jak «revalucyja biez revalucyj».
«Nie treba stratehičnych inavacyj — treba realizavać toje, što pryniata», — praciahvaŭ vice-premjer.
Jon nahadaŭ, što pakul jość ujaŭleńnie ab tym, što ŭ krainie kvitniejuć masavyja zatrymańni pradprymalnikaŭ, i heta treba pierałamać.
Turčyn adznačyŭ, što častka krokaŭ nasustrač biznesu dziaržavaj užo zroblena. «Samy jaskravy prykład — dekret №8, u najbližejšy čas vyjdziem na admienu sumnaviadomaha 488 ukaza, rychtujecca jašče šerah krokaŭ pa dekryminalizacyi biznes-rašeńniaŭ», — adznačyŭ vice-premjer.
«U nas niama žadańnia karać i raskułačvać biznes», — zapeŭniŭ Turčyn.
Jon pryznaŭ, što siłaviki siońnia dziejničajuć pa isnujučych praviłach. I hetyja praviły treba pamianiać, kali my chočam źmienaŭ u krainie.
Turčyn nahadaŭ, što Biełaruś zrabiła staŭku na pabudovu IT-krainy. Dekret № 8 staŭ adnym z praryŭnych pravavych aktaŭ, što stała vidavočna amal adrazu — u pačatku 2017 hoda byŭ zajaŭleny taki kurs i ŭžo da kanca 2017 hoda źjavilisia pieršyja vyniki. Tempy irvanuli ŭvierch, plus 40% pa eksparcie ŭ pieršym paŭhodździ. Pa eksparcie na dušu nasielnictvu Biełaruś pieraŭzychodziać ZŠA, kolkaść rezidentaŭ za paŭhoda vyrasła bolš čym za ŭvieś papiaredni pieryjad, adznačyŭ jon.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary