Cichanoŭskaja zaklikała Kałas zakryć ščyliny ŭ sankcyjach suprać Łukašenki
Učora Śviatłana Cichanoŭskaja sustrełasia z kiraŭnicaj jeŭrapiejskaj dypłamatyi ŭ štab-kvatery Jeŭrapiejskaj słužby źniešnich dziejańniaŭ u Brusieli.
Padčas sustrečy byli abmierkavanyja niekalki pytańniaŭ, paviedamlaje pres-słužba demakratyčnaj lidarki Biełarusi.
U pryvatnaści, było abmierkavanaje vyzvaleńnie palitviaźniaŭ i kantakty z ZŠA pa humanitarnym treku; vyniki niadaŭniaha vizitu Cichanoŭskaj va Ukrainu i raźvićcio supracoŭnictva z ukrainskim bokam; uzmacnieńnie sankcyj suprać režymu Łukašenki i zakryćcio ščylin u sankcyjnym režymie.
Taksama była abmkierkavanaja padtrymka niezaležnych miedyj, pravaabaroncaŭ, hramadzianskaj supolnaści i demakratyčnych instytutaŭ; zachavańnie mabilnaści biełarusaŭ i vydačy šenhienskich viz; situacyja ź biaśpiekaj u rehijonie i supraćdziejańnie rasijskaj dezinfarmacyi.
Cichanoŭskaja pieradała Kai Kałas šerah analityčnych dakumientaŭ i raskazała pra ŭdzieł biełaruskaj hramadzianskaj supolnaści ŭ abaronie vybaraŭ u Armienii i Małdovie ad rasijskaha ŭpłyvu, mahčymaści nacyjanalnaha dyjałohu jak adnaho ź instrumientaŭ mirnaha vychadu z kryzisu.
Demakratyčnaja lidarka padkreśliła, što vyzvaleńnie ŭsich palitviaźniaŭ, poŭnaja amnistyja i spynieńnie represij pavinny stać pieršymi krokami da nacyjanalnaha dyjałohu i vyrašeńnia kryzisu ŭ Biełarusi.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary
Ad ich i vašaha "cisku" pakutajuć tolki i vyklučna ludzi ŭ tym liku i tyja chto vymušana vyjechaŭ i tyja chto znachodzicca ŭ Biełarusi.
***'
Dziakuj Kazachstanu, Tadžykistanu, Turkmienistanu, Uźbiekistanu, Kyrhizstanu, Hruzii i hd za toje što ŭ Biełarusi možna nabyć ŭsie niahledziačy nie na jaki pakazušny "cisk" i nie na jakuju "sinchranizacyju" ŭsich namahańniaŭ ad hetych samaabvieščanych asob jakija niby pradstaŭlajuć biełaruski narod.
Ale i "ciskusny" adkažuć za svaje "ciski" nie suprać režymu, a suprać ludziej.
Skažuć što my nie pryčym?
Pryčym. Bo zaklikali da "cisku", adpaviedna i suprać ludziej.
Skažuć što my kazali inšaje, mieli na ŭvazie inšaje. Moł vajna i inšaje.
Čytajem dakumienty sankcyj:
Zabarona biełarusam vieźci z saboju ježu, cukierki, alej i hd.
Niešta nie bačym ničoha z hetych radkoŭ nakont sankcyj suprać režymu ci chunty ci niešta inšaje.
Pakutajuć ludzi. Ciažkaści ź vizami. Zabarona na rečy ŭłasnaha karystańnia i hd. Vynik ad hetaha vidavočny. Ŭsie nakiravana na toje kab narabić jak maha bolš ciažkaściej i pieraškod prostym biełarusam jakija ŭ pieravažnaj bolšaści suprać vajny i režymu.
Ŭsie nakiravana na toje kab parvać čałaviečyja i histaryčnyja suviazi pamiž biełaruskim narodam i susiedziami, toj ža Polščaj i hd.
Fury jak jechali tak i jeduć. Im po baku. Bo pa dakumientam Kazachstan, Uźbiekistan i hd. A voś ludzi nie jeduć. Nie mohuć. Łuka ciśnie na ludziej i pamahatyja "ciskuny" tak sama "cisnuć". Bo na ludziej sama prosta cisnuć. Abaranić ich niama kamu. Ŭ ich abaronu hołasa niamia ni ŭ kabinietach, ni ŭ ofisach, ni ŭ Kr.
Ale narod budzie pamiatać. I nie zabudzie ni złačynstvy złačynnaha režymu, ni dziejnaść "ciskunoŭ" - hrandapiłaŭ.
Ŭ volnaj Biełarusi nie žadaŭ by bačyć što złačyncaŭ režymu, što ŭsich hetych "ciskunoŭ", jak na dziaržaŭnaj słužbie, tak i ŭ palitycy.