Šunievič pra padletka, jaki vybačyŭsia pierad skulpturaj haradavoha: Heta maja ideja
Ministr unutranych spraŭ Ihar Šunievič patłumačyŭ, chto prydumaŭ źniać rolik pra toje, jak padletak prosić prabačeńnia pierad pomnikam haradavoha ŭ Minsku, piša Tut.by.
— Maja ideja, — tak adkazaŭ Ihar Šunievič na pytańnie žurnalista pra toje, chto prydumaŭ źniać rolik pra padletka, što prosić prabačeńnia pierad pomnikam.
— A navošta? — udakładniŭ žurnalist.
— Tamu što.
— Vam nie zdajecca heta dziŭnym?
— Nie, kali b heta było dziŭnym, ja b hetaha nie rabiŭ, ja adekvatny čałaviek.
Kamientujučy rolik, ministr skazaŭ:
- Chłopiec pryniaŭ adekvatnaje rašeńnie. Pa zakonie jon nie nios adkaznaść, jon nios maralnuju adkaznaść. Zakon da jaho nie ŭžyvaŭsia, nie błytajcie Hohala z Hiehielem, - paraiŭ ministr žurnalistam.
Pry hetym ministr nazvaŭ «čarhovym hłupstvam» paviedamleńni pra toje, što pres-sakratar MUS Hieorhij Jaŭčar byŭ zvolnieny z-za rolika pra padletka i haradavoha.
— Heta vydumka, jon syšoŭ pa vysłuzie hadoŭ, dasłužyŭsia i syšoŭ na hramadzianku.
Kamientary