«Mis śvietu — 2018» stała mieksikanka. Biełaruska Maryja Vasilevič uvajšła ŭ top-5 jak «Mis śvietu Jeŭropa»
Karonu i tytuł «Mis śvietu — 2018» atrymała Vanesa Ponse de Leon ź Mieksiki.
Biełaruska Maryja Vasilevič atrymała tytuł «Mis śvietu Jeŭropa» i ŭvajšła ŭ finale ŭ top-5 udzielnic. Heta lepšy vynik za ŭsiu historyju ŭdziełu našaj krainy ŭ hetym konkursie, piša LADY.TUT.BY.
Konkurs prachodziŭ na kitajskim vostravie Chajnań u horadzie Sańja. Jon startavaŭ 9 listapada. Na praciahu amal miesiaca dziaŭčaty prachodzili roznyja vyprabavańni pad nahladam žury. Sudździ vybirali pieramožcaŭ u naminacyjach «Mis top-madel», «Mis sport», «Mis talent», «Mis dabračynnaść», «Mis multymiedyja», «Mis taniec śvietu», «Mis intelekt», a taksama ŭ konkursie na lepšaje intervju. Usiaho ŭ «Mis śvietu — 2018» brali ŭdzieł dziaŭčaty sa 118 krain.
U finalnym šou ŭdzielnicy vykanali tancy narodaŭ śvietu, pakazali tvorčyja numary i prademanstravali viačernija sukienki.
Maryja Vasilevič vyjšła na scenu ŭ stroi z hlitarnaj tkaniny, jakaja pry sceničnym aśviatleńni źmianiaje adcieńni — ad biruzovaha da siniaha. Dyzajn sukienki raspracoŭvała Julija Łatuškina, u asnovie idei biełaruskaj udzielnicy — asacyjacyja stroju z rekami i aziorami našaj krainy. U finale Maryja Vasilevič razam ź dziaŭčatami z Tajłanda, Mieksiki, Uhandy i Jamajki adkazvała na pytańni žury.
«Mis śvietu» — najstarejšy i samy prestyžny konkurs pryhažości — pravodzicca z 1951 hoda. U 2014 hodzie arhanizatary konkursu pryniali rašeńnie admianić defile ŭ kupalnikach. U apošnija hady konkurs robić akcent na ideju «pryhažości z metaj», nadajučy vialikuju ŭvahu dabračynnym prajektam kankursantak.
Pieramožca «Mis śvietu — 2018» atrymaje hrašovy pryz, ale pa ŭmovach kantraktu addaść pryz na dabračynnaść. Joj taksama dastaniecca karona, apłata kvatery na hod u Łondanie i abaviazak prymać udzieł u dabračynnych akcyjach da nastupnaha konkursu.
Tranślacyju finalnaha šou možna pahladzieć siońnia (8 śniežnia) u 23.00 na kanale ONT
-
Dastaŭščyk ježy «Jandeks» u Maskvie zaśpiavaŭ na vulicy i staŭ zorkaj — im akazaŭsia chłopiec z Bresta
-
Biełarusy zdymajuć vohniennyja parodyi na rolik sa školnikam, jaki pałoŭ bulbu — dałučylisia ratavalniki, mietrapaliten i «Kupałaŭcy» VIDEA
-
«Ja až spałochaŭsia, realna». Biełarusy znajšli ŭ lesie hihancki baravik
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy19
Kamientary