Vyšejšaja atestacyjnaja kamisija prysvoiła stupień kandydata fiłałahičnych navuk Natalli Janienka. Jaje daśledavańnie vyłučałasia temaj — «Varyjantnaść u hieterahiennym (źmiešanym) haradskim maŭleńni».
Praca była vykananaja ŭ BDU, na biełaruskaj movie. Navukovym kiraŭnikom staŭ kandydat fiłałahičnych navuk, dacent kafiedry historyi biełaruskaj movy BDU Siarhiej Zaprudski.
Pačynajučy z 2008 hoda Natalla ciaham niekalki hod zapisvała vusnaje maŭleńnie členaŭ adnoj siamji i ich siabroŭ — žycharoŭ Chocimska, što ŭ Mahiloŭskaj vobłaści. Heta byli zvyčajnyja pobytavyja razmovy miascovych žycharoŭ ad 12 da 69 hod. Fiłołah admysłova nie abirała ŭ jakaści abjektaŭ daśledavańnia tych, chto bolš-mienš čysta razmaŭlaje ci pa-biełarusku, ci pa-rusku.
Jaje cikavili tolki tyja žychary, jakija karystajucca ŭ paŭsiadzionnaści tak zvanaj trasiankaj.
Spačatku žančyna rabiła heta ŭ miežach sumiesnaha niamiecka-biełaruskaha prajekta «Trasianka» ŭ Biełarusi: «źmiešanaja raznavidnaść» jak pradukt biełaruska-ruskaha moŭnaha kantaktu», a paśla praciahnuła daśledavańnie dla kandydackaj.
U vyniku na rukach daśledčycy akazałasia kala 79 siamiejnych dyjałohaŭ (305 chvilin čystych zapisaŭ, 8452 vykazvańni, abo 34 044 słovaformy), a taksama 18 — słužbovych (pradstaŭniki śfiery miedycyny, adukacyi, budaŭnictva, handlu), što paciahnuła na 280 chvilin čystych zapisaŭ.
Upieršyniu ŭ biełarusistycy byŭ praviedzieny analiz vusnaha haradskoha hieterahiennaha maŭleńnia bilinhvaŭ jak samastojnaha moŭnaha ŭtvareńnia, zasnavanaha na miascovaj havorcy.
Vinšujem Natallu z abaronaj dysiertacyi!
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary