Servis dla arhanizacyi supolnaściaŭ i padziej Locals.org, stvorany zasnavalnikami MSQRD Jaŭhienam Niaŭhieniem i Siarhiejem Hančarom, zakryvajecca 31 maja. Adpaviednaje paviedamleńnie źjaviłasia ŭ dadatku, choć na staronkach markietpłejsaŭ i na sajcie infarmacyi pra heta pakul niama, piša Devby.io.
Raspracoŭščyki kažuć, što surjozna abdumali situacyju i vyrašyli zakryć prajekt. Pryčyny nie nazvali. Za čas pracy servisu karystalniki ŭstalavali bolš za miljon novych kantaktaŭ, arhanizavali bolš za 300 tysiač sumiesnych mierapryjemstvaŭ i stvaryli bolš za 7,5 tysiač supolnaściaŭ.
Vypłaty stvaralnikam supolnaściaŭ praciahnucca pa płanie praz Stripe. Taksama jany zmohuć vyhruzić śpisy svaich udzielnikaŭ.
Paśla 20 maja budzie nielha stvarać novyja płatnyja mierapryjemstvy i afarmlać členstva novych udzielnikaŭ. I naohuł z hetaha dnia nielha budzie stvarać novyja supolnaści i mierapryjemstvy. 31 maja dadatak całkam zhornuć.
Płatforma była zapuščana ŭ 2020 hodzie, u prajekcie ŭdzielničała rasijskaja supiermadel Natalla Vadzianava. U raspracoŭku Hančar i Niaŭhień ukłali bolš za $1 młn ułasnych srodkaŭ. Niaŭhień raskazvaŭ, što ideja Locals naradziłasia z žadańnia adradzić biełaruski prajekt «MajeSens» — płatformu dla dabračynnaha aŭkcyjonu sustreč, dzie Niaŭhień kaliści pracavaŭ.
U Locals ludzi mahli prapanoŭvać lubuju sumu za sustreču abo sumiesny dośvied. Płanavałasia, što 80% srodkaŭ ad sustreč budzie iści na dabračynnaść, a 20% — na raspracoŭku płatformy i rost kamjunici. Manietyzavać płatformu partniory płanavali za košt kamisii z tranzakcyj i dadatkovych płatnych opcyj.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty25
Kamientary