Kaviarni ź biełaruskimi robatami-barysta adkryjucca ŭ Nacyjanalnym aeraporcie Minsk i ŭ Kijevie, paviedamili karespandentu BIEŁTA ŭ kampanii-raspracoŭniku Rozum Robotics.
U asnovie kaviarniaŭ lažyć kałabaratyŭny robat biełaruskaj vytvorčaści. «Dzieviać ź dziesiaci našych robataŭ pastaŭlajucca dla pracy na pramysłovych pradpryjemstvach Biełarusi i Rasii. My vyrašyli pačać paralelny prajekt ź nietypovym prymianieńniem našaj pradukcyi», — raspavioŭ dyrektar kampanii Viktar Chamianok.
Było pryniata rašeńnie raspracavać nie prosta rabatyzavany kompleks na asnovie aŭtamatyčnych kavamašyn, a sumiesna z ukrainskaj sietkaj kaviarniaŭ zrabić sapraŭdnaha robata-barystu dla pracy z prafiesijnym abstalavańniem.
Praces padrychtoŭki kavy robatam-barysta vyhladaje tak: robaruka drabnić ziernie kavy, zatym utramboŭvaje jaho aptymalnym ciskam u kavavuju tabletku i źmiaščaje ŭ śpiecyjalny partafiltr — chołdar. Paśla hetaha ŭ chołdar pad ciskam padajecca vada nieabchodnaj tempieratury. Akramia espresa ci amierykana, robat umieje ŭźbivać z małaka pienu i hatavać kapučyna, łate i fłet uajt.
Pieršaja rabatyzavanaja kaviarnia pačnie svaju pracu ŭ Kijevie. Na pieršym etapie płanujecca zapusk nie mienš za 100 robakaviarniaŭ na terytoryi Ukrainy. Taksama ŭ bližejšy čas płanujecca adkryć takuju kaviarniu ŭ Nacyjanalnym aeraporcie Minsk.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ6
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1313
Kamientary