Kancert vykanaŭcy błatnych piesień Viktara Kaliny pavinien adbycca ŭ Vilejcy 2 krasavika. Adnak heta aburyła niekatorych žycharoŭ horada. I ŭ internecie źjaviłasia pietycyja za admienu kancerta. Užo sabrana 660 podpisaŭ.
Adnak kiraŭnictva placoŭki, dzie pavinien vystupić Viktar Kalina, nie bačyć padstavaŭ dla admieny kancerta.
«Kali hetamu artystu vydali hastrolnaje paśviedčańnie, — a ja dumaju, što jaho pravieryli na najaŭnaść niejkich mahčymych prablem, — to nichto Viktaru Kalinie nie admović u vystupleńni ŭ našym horadzie», — tłumačyć dyrektarka Vilejskaha pałaca kultury Alesia Vysockaja.
Na afišy paznačana, što ŭzrostavaje abmiežavańnie na hety kancert 12+. Ci varta dzieciam słuchać pieśni z radkami: «Nie šmonaj mnie dušu, mient, ja tiebie sovsiem nie kient, čto ty tam napieł žienie, kak ty, suka, doroh mnie»?
«Kankretna hetaj pieśni ŭ prahramie, jakuju zajaviŭ artyst, niama. Pierad tym, jak atrymać hastrolnaje paśviedčańnie, artyst pavinien pradstavić prahramu piesień, jakija płanuje vykanać padčas kancerta. I tady vyrašajecca, hledačam jakoha ŭzrostu možna naviedvać hety kancert», — tłumačyć Alesia Vysockaja.
Miž tym, sam śpiavak taksama vykazaŭsia nakont mahčymaści admieny vystupu na svajoj staroncy «U kantakcie»:
«Ad 2015 hoda, sa studzienia, ničoha nie mianiajecca. Adzin tekst, adno patrabavańnie, adnyja i tyja ž pamyłki, tolki źmianiajecca nazva horada. Usio ad pačatku da kanca chłuśnia i sfabrykavany ŭkid! Kazaŭ i paŭtarusia, hetyja niedaraźvityja apazicyjnyja źviarki mianie navat nie zabaŭlajuć».
Na kancert u Pałacy kultury, jaki źmiaščaje 500 čałaviek, pakul pradadziena kala 100 biletaŭ.
Čytajcie taksama:
«Praciakła truba», «ramont zały»: u krainie masava admianiajucca kancerty Viktara Kaliny
Viktaru Kalinu pažyćciova zabaranili vystupy ŭ Pružanach
Viktar Kalina nakinuŭsia z maciukami na kamientataraŭ, jakija aburylisia jaho hastrolami pa Biełarusi
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia29
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1111
Kamientary