Hłabalnaje paciapleńnie spravakuje mihracyju azijackich tyhravych kamaroŭ i žoŭtalichamankavych kamaroŭ, jakija pieradajuć niebiaśpiečnyja trapičnyja chvaroby. Ad ich ukusaŭ mohuć paciarpieć da paŭmiljarda čałaviek, paviedamlajuć Mieteanaviny sa spasyłkaj na Süddeutsche Zeitung.
Denhie, čykunhuńja, zika, virus zachodniaha Niła, žoŭtaja lichamanka, malaryja — ekzatyčnyja chvaroby mohuć stać realnaściu dla jeŭrapiejcaŭ. Naprykład, na poŭdni Hiermanii ŭ 2017 hodzie ekśpierty ŭžo vyjavili azijackich tyhravych kamaroŭ. Pavodle prahnozu, praz 30 hadoŭ hetyja kamary raspaŭsiudziacca pa ŭsioj Hiermanii.
Navat za try letnija miesiacy abodva hetyja vidy kamaroŭ mohuć rezka razmnožycca i vyklikać vostryja niebiaśpiečnyja zachvorvańni. A va ŭmovach paciapleńnie klimatu kamary mohuć raspaŭsiudžvać patahiennyja mikraarhanizmy amal pałovu hoda.
U zaležnaści ad situacyi i raźvićcia scenaru ŭ Jeŭropie achviarami žoŭtaj lichamanki, jakuju pieranosiać žoŭtalichamankavyja kamary, mohuć stać ad 150 da 470 miljonaŭ čałaviek. A ad tyhravych kamaroŭ pacierpiać ad 230 da 440 miljonaŭ jeŭrapiejcaŭ.
Cikava, što kamfortnaja dla takich kamaroŭ tempieratura — nie vyšejšaja za +29°. Tamu ŭ suviazi z hłabalnym paciapleńniem na značnaj častcy Paŭdniova-Uschodniaj Azii, Afryki i basiejna Amazonki ŭzrovień zaražeńnia ad tyhravych kamaroŭ źnižajecca.
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia8
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary