Глабальнае пацяпленне справакуе міграцыю азіяцкіх тыгравых камароў і жоўталіхаманкавых камароў, якія перадаюць небяспечныя трапічныя хваробы. Ад іх укусаў могуць пацярпець да паўмільярда чалавек, паведамляюць Метэанавіны са спасылкай на Süddeutsche Zeitung.
Дэнге, чыкунгунья, зіка, вірус заходняга Ніла, жоўтая ліхаманка, малярыя — экзатычныя хваробы могуць стаць рэальнасцю для еўрапейцаў. Напрыклад, на поўдні Германіі ў 2017 годзе эксперты ўжо выявілі азіяцкіх тыгравых камароў. Паводле прагнозу, праз 30 гадоў гэтыя камары распаўсюдзяцца па ўсёй Германіі.
Нават за тры летнія месяцы абодва гэтыя віды камароў могуць рэзка размножыцца і выклікаць вострыя небяспечныя захворванні. А ва ўмовах пацяпленне клімату камары могуць распаўсюджваць патагенныя мікраарганізмы амаль палову года.
У залежнасці ад сітуацыі і развіцця сцэнару ў Еўропе ахвярамі жоўтай ліхаманкі, якую пераносяць жоўталіхаманкавыя камары, могуць стаць ад 150 да 470 мільёнаў чалавек. А ад тыгравых камароў пацерпяць ад 230 да 440 мільёнаў еўрапейцаў.
Цікава, што камфортная для такіх камароў тэмпература — не вышэйшая за +29°. Таму ў сувязі з глабальным пацяпленнем на значнай частцы Паўднёва-Усходняй Азіі, Афрыкі і басейна Амазонкі ўзровень заражэння ад тыгравых камароў зніжаецца.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары