Nazvany łaŭreaty dziaržaŭnaj Nacyjanalnaj litaraturnaj premii — siarod pieramožcaŭ piśmieńnik pad psieŭdanimam Aleh Puškin
U tvorčym spabornictvie za dziaržaŭnuju Nacyjanalnuju litaraturnuju premiju ŭdzielničali bolš za 70 čałaviek, paviedamlajuć arhanizatary. Pra sioletnich łaŭreataŭ premii piša BiełTA.
Konkurs pravodzicca pa siami naminacyjach: «Najlepšy tvor (zbornik tvoraŭ) paezii», «Najlepšy tvor prozy», «Najlepšy tvor dramaturhii», «Najlepšy tvor publicystyki» i h.d.
- Najlepšy tvor dla dziaciej i junactva — Uładzimira Jahoŭdzik (tvory «Kryłatyja susiedzi», «Začaravanaja Śvisłač», «Kvietki dzivasiłu»)
- Najlepšy tvor prozy — kniha «Hienij» Aleha Puškina (sapraŭdnaje imia Aleh Ždan).
- Najlepšy zbornik paezii — kniha «Słaniečnik» Mikoły Malaŭki.
- Najlepšym tvoram publicystyki — histaryčnaje ese Viktara Chursika «Vale!» pra los Mahdaleny Radzivił.
- Najlepšy tvor litaraturnaj krytyki i litaraturaznaŭstva —Śviatłana Kaladka z «Litaraturaznaŭčaj teoryjaj paetyčnaj emocyi.
- Najlepšy debiut — kniha «Serca Sakry» Stanisłavy Umiec.
- Najlepšy tvor dramaturhii — nie prysudžałasia.
Uznaharodžvańnie pieramožcaŭ konkursu adbudziecca na Dni biełaruskaha piśmienstva ŭ Słonimie 1 vieraśnia.
Premija pieramožcam składzie 2550 rubloŭ, a ŭ naminacyi «Debiut» — 1225 rubloŭ.
Dziaržaŭnaja Nacyjanalnaja litaraturnaja premija zaćvierdžana ŭ 2015 hodzie. Arhanizatarami źjaŭlajucca ministerstvy infarmacyi, kultury, adukacyi i praŭładny Sajuz piśmieńnikaŭ Biełarusi.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary