Samaj vysokaapłatnaj aktrysaj śvietu stała aktorka ź biełaruskimi karaniami
Samaj vysokaapłatnaj aktrysaj hoda pa viersii Forbes stała Skarlet Jochansan.
Z 1 červienia 2018 pa 1 červienia 2019 hoda jana zarabiła $56 młn. $ 35 młn ź ich zorcy Halivuda pryniesła rola «Čornaj udavy» ŭ stužcy «Mściŭcy. Finał» — čarhovaj častki franšyzy, jakaja sabrała ŭ suśvietnym prakacie bolš za $ 2,8 młrd.
Jochansan lidziravała i ŭ letašnim rejtynhu, zarabiŭšy ŭ 2017—2018 hadach bolš za $ 40 młn. Tady jaje finansavamu pośpiechu taksama spryjaŭ pośpiech filma pra supierhierojaŭ «Mściŭcy: Vajna biaskoncaści».
Na druhim miescy ŭ rejtynhu kałumbijka Safija Vierhara, jakaja žyvie ŭ Majami. Za apošni hod joj udałosia zarabić bolš $ 44 młn. U hetym hodzie jana źniałasia ŭ stužcy «Apošniaja mahčymaść». Adnak samy vialiki dachod Vierhara atrymlivaje ad udziełu ŭ sieryjałach.
Z $ 35 młn treciaje miesca ŭ śpisie zajmaje Ryz Uizierspun, jakaja viarnułasia ŭ rejtynh paśla karotkaj adsutnaści. Za joj iduć Nikol Kidman ($ 34 młn) i Dženifier Enistan ($ 28 młn).
Skarlet Jochansan naradziłasia ŭ Ńju-Jorku ŭ 1984 hodzie. Jejny pradzied pa maci Baruch Chodaš ź Niaśviža, u 1920-ch jon emihravaŭ u ZŠA, dzie ŭžo naradziłasia babula Skarlet — Doraci. A maci aktrysy Miełani vyjšła zamuž za datčanina Karstena Jochansena.
Niaśvižski śled Skarlet Jochansan
-
U Biełarusi nijak nie mohuć pakazać suśvietny chit — daviałosia viartać hrošy za kvitki
-
U rasijskaj franšyzie pra chałopaŭ vyjšaŭ novy film — jaho hladziać i ŭ Biełarusi
-
Šalona papularny karejski sieryjał ad Netflix pra školny bulinh — chto ździekavaŭsia z adnakłaśnikaŭ, pavinien prajści praz takoje ž prynižeńnie
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ60
Kamientary