Były prezident Francyi Nikala Sarkazi padčas dyskusii z eks-premjeram Ispanii Chase Asnaram na kanfierencyi ŭ Madrydzie zajaviŭ, što ahulnyja prablemy libieralnych partyj nieadjemna źviazany z kryzisam Jeŭropy. Pavodle jaho słoŭ, centr śvietu zaraz zrušyŭsia na ŭschod, paviedamlaje RBK.
«Kali niechta dumaje, što prablema tolki z palityčnymi partyjami, to jon vypuskaje z-pad uvahi zaniapad Jeŭropy, zaniapad Zachadu. (…) Z 7 młrd čałaviek, jakija nasialajuć Ziamlu, 4 młrd žyvuć u Azii, a ŭ centry (u Jeŭropie) tolki 800 młn. My bolš nie stryžań ziamli, i dla hetaha jość demahrafičnyja pryčyny», — patłumačyŭ Sarkazi. «Jak možna abaraniać demakratyčnyja kaštoŭnaści ŭ śviecie, u jakim my ŭžo nie prevalirujem?» — dadaŭ jon.
Sarkazi skieptyčna adazvaŭsia i pra Jeŭrapiejski sajuz. «Ja pierakanany jeŭracentryst. Ale jak možna stvaryć adzinaje cełaje z 27 roznych dziaržaŭ? Pry hetym isnuje čatyry roznyja jeŭrapiejskija abjadnańni: zona Šenhiena, zona jeŭra, abaronny sajuz i sam pa sabie ES. Usie hetyja struktury zusim roznyja», — zajaviŭ były prezident Francyi, paraiŭ nie dumać sastarełymi katehoryjami.
Pry hetym Sarkazi vykazaŭsia suprać padziełu Jeŭropy na častki. Pavodle jaho słoŭ, kryzis demakratyi pryvodzić da sieparatyzmu. «Nam patrebna novaja meta», — zajaviŭ jon
-
Francyja, Hiermanija i Vialikabrytanija papiaredzili Iran pra mahčymaść vajennaha ŭmiašańnia
-
U Techasie mužčyna rasstralaŭ natoŭp kala bara. ŚMI źviazvajuć heta z amierykanskimi ŭdarami pa Iranie
-
ZŠA paćvierdzili vykarystańnie stełs-bambardziroŭščykaŭ B-2 dla ŭdaraŭ pa Iranie. Jany vykanali biespasadačny pieralot praz pałovu śvietu z bazy ŭ Misury
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary