Minčuki pra 16-mietrovy rekłamny ekran na praśpiekcie: «Biez načnych firanak — kašmar»
Niadaŭna na fasadzie žyłoha doma kala mietro «Akademija navuk» ustalavali vialiki rekłamny ekran. U pieršyja ž dni na rekłamnuju kanstrukcyju źviarnuli ŭvahu i žychary doma nasuprać — unačy śviatłodyjody jarka śviacili ŭ akno, piša tut.by.
Minčanin Siarhiej žyvie ŭ domie na praśpiekcie Niezaležnaści. Vokny jaho spalni vychodziać na budynak, dzie raniej visieŭ zvyčajny rekłamny banier. Ale ŭ kancy listapada tam źjaviŭsia sučasny miedyjafasad. U kampanii «Kołarekspres» abiacali, što jon budzie pracavać biez šumu i vibracyj, a na noč ekran buduć vyklučać. Tym nie mienš Siarhiej kaža, što fasad na minułym tydni i na vychodnych pracavaŭ i nočču.
— Ekran hareŭ da 9-j viečara, a potym ja pračnuŭsia ŭ 1.30 nočy, bo jon jarka śviaciŭ. U mianie zvyčajna rolštory napałovu začynienyja — kab bačyć z ranicy, što tam adbyvajecca na vulicy, a ŭ hety raz mnie daviałosia ich całkam apuskać. Ale navat paśla hetaha śviatło prabivałasia ŭ pakoj. Było vielmi jarka, biez načnych firanak — heta budzie kašmar. Ranicaj na fasadzie była prosta jarkaja zastaŭka.
Surazmoŭca kaža, što susiedzi taksama źviarnuli ŭvahu na jarkaje śviatło, ale spadziajucca, što heta časova.
Dyrektar kampanii «Kołarekspres» Julija Duboŭskaja kaža, što pracu miedyjafasadu testavali ŭ toj tydzień.
— My ŭžo adrehulavali jarkaść, ciapier u viačerni čas ekran pracuje ź minimalnaj jarkaściu na 2%.
Pa słovach dyrektara kampanii, ekran vysokatechnałahičny i dazvalaje lohka ŭnosić karekciroŭki ŭ jaho pracu.
— Čas pracy ekrana pa viečarach, a taksama jaho jarkaść u najbližejšy čas buduć adrehulavanyja.
Mahčyma, miedyjafasad budzie pracavać da dźviuch hadzin nočy.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty21
Kamientary