17 śniežnia byŭ pryviedzieny ŭ vykanańnie śmiarotny prysud u dačynieńni da Alaksandra Asipoviča, piša «Kamiercyjny kurjer». Jaho prysudzili da śmiarotnaha pakarańnia za zabojstva dźviuch dziaŭčat.
Ab pryviadzieńni prysudu ŭ vykanańnie paviedamiła staršy prakuror adździeła prakuratury Mahiloŭskaj vobłaści Volha Ivanova. Na hučnym pracesie jana vystupała ŭ jakaści abvinavaŭcy.
9 studzienia Mahiloŭski abłasny sud pryhavaryŭ Asipoviča da vyklučnaj miery pakarańnia za zabojstva 26-hadovaj Kryściny Kruškinaj i 27-hadovaj Alesi Klimavaj. Złačynstva adbyłosia 20 lipienia 2018 hoda ŭ kvatery maci zabojcy na vulicy Łyńkova. Adnu dziaŭčynu Asipovič zarezaŭ, naniosšy 16 nažavych ranieńniaŭ, druhuju zabiŭ małatkom. Ekśpierty naličyli 77 udaraŭ.
Adrazu paśla abviaščeńnia prysudu Asipovič zajaviŭ pra namier padać apielacyju ŭ Viarchoŭny sud. 14 maja śpiecyjalnaja kalehija, razhledzieŭšy abstaviny spravy, pakinuła prysud bieź źmienaŭ.
Paśla rašeńnia Viarchoŭnaha suda Asipovič napisaŭ asabistaje chadajnictva na imia Łukašenki. Ale kiraŭnik dziaržavy pakinuŭ chadajnictva biez zadavalnieńnia.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary