Vystaŭlena abvinavačvańnie zatrymanamu pa spravie ab zabojstvie žančyny, pareštki jakoj znajšli ŭ Śvisłačy VIDEA
Pa spravie ab zabojstvie žančyny, čyje pareštki byli znojdzieny ŭ Śvisłačy, zatrymanamu vystaŭlena abvinavačvańnie, pra heta paviedamlaje SK u svaim telehram-kanale.
Nahadajem, što supracoŭniki kamunalnych słužbaŭ, jakija pravodzili ačyščalnyja raboty ŭ race Śvisłač 2 studzienia znajšli spartyŭnuju sumku z čałaviečymi pareštkami.
Praź niekalki dzion u kvatery na vulicy Ramanaŭskaja Słabada ŭ Minsku było znojdziena cieła 37-hadovaj žančyny z paškodžańniami, jakija pakazvali na suviaź jaje hibieli i faktu vyjaŭleńnia sumki ŭ Śvisłačy. Śledčy padčas ahladu miesca zdareńnia znajšoŭ pradmiety, jakija dazvolili ŭ samyja karotkija terminy ŭstanavić i paśla zatrymać padazravanaha ŭ zabojstvie.
Śledčymi pradjaŭlena abvinavačańnie 26-hadovamu mužčynu pa č. 1 art. 139 (zabojstva) Kryminalnaha kodeksa. Jon pad vartaj. Kančatkovaja kvalifikacyja jaho dziejańniam budzie dadziena pa vynikach rasśledavańnia.
Kamientary