Źjaviŭsia zapis z kamiery videanazirańnia: padazravany niasie sumku z pareštkami zabitaj žančyny VIDEA
Mienš za sutki spatrebiłasia dla vyśviatleńnia asoby padazravanaha ŭ zabojstvie 37-hadovaj minčanki, pareštki kaniečnaściaŭ jakoj znajšli ŭ Śvisłačy 2 studzienia. Pra heta ŭ raźmieščanym na sajcie MUS videakamientaryi paviedamiŭ načalnik upraŭleńnia kryminalnaha vyšuku HUUS Minharvykankama Siarhiej Jakubiel, paviedamlaje BIEŁTA.
U apublikavanym na sajcie videa demanstrujecca zapis z kamiery videanazirańnia, dzie mužčyna niasie sumku, a taksama kadry razmovy z zatrymanym.
Jak paviedamlałasia, dniom 2 studzienia ŭ minskuju milicyju źviarnulisia supracoŭniki kamunalnaj słužby, jakija raspaviali, što dastali sa Śvisłačy spartyŭnuju sumku z pareštkami kaniečnaściaŭ čałavieka. Paźniej u milicyi prainfarmavali, što jany, jak miarkujecca, naležać žančynie.
Pravaachoŭniki šukali tych, chto raniej moh bačyć znojdzienuju ŭ Śvisłačy sumku i prasili patelefanavać u milicyju ŭ vypadku, kali viadoma pra fakty źniknieńnia žančyn abo kali svajačka ci znajomaja biespadstaŭna pierastała vychodzić na suviaź, nie źjaviłasia na pracy.
Supracoŭniki milicyi 5 studzienia vyznačyli asobu žančyny. Cieła 37-hadovaj žančyny było ŭ kvatery adnaho z damoŭ na vulicy Ramanaŭskaja Słabada ŭ Minsku.
Siońnia ŭnačy supracoŭniki ŭpraŭleńnia kryminalnaha vyšuku HUUS Minharvykankama pry siłavoj padtrymcy bajcoŭ śpiecpadraździaleńnia «Ałmaz» zatrymali ŭ Viciebsku 26-hadovaha zamiežnika. Jon padazrajecca ŭ zabojstvie žančyny. Zaraz z mužčynam pravodziacca śledčyja dziejańni.
Sa słoŭ zatrymanaha, jon žyŭ u Minsku ŭ 37-hadovaj žančyny. Pamiž imi 28 śniežnia 2019 hoda adbyŭsia kanflikt, u vyniku jakoha mužčyna zadušyŭ haspadyniu kvatery. Viadoma, što raniej fihurant da kryminalnaj adkaznaści nie pryciahvaŭsia.
Milicyja vyznačyła asobu žančyny, pareštki jakoj znajšli ŭ Śvisłačy VIDEA
«Čuli, jak kryčała: «Ratujcie! Zabivajuć!» Što viadoma pra žančynu, čyje pareštki znajšli ŭ Śvisłačy
U zabojstvie 37-hadovaj žančyny, kancaviny jakoj znajšli ŭ Śvisłačy, vinavaciać zamiežnika
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia24
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary