U hiendyrektarki telekanała «Dožd́» dyjahnastavali rak hrudziej
Hienieralny dyrektar racijskaha niezaležnaha telekanała «Dožd́» Natalla Sindziejeva ŭ svaim intervju z žurnalistam Kaciarynaj Hardziejevaj raspaviała, što ŭ śniežni 2019-a joj pastavili dyjahnaz «rak hrudziej». Pavodle jaje słoŭ, pieršy čas joj było ciažka vymavić słova «rak», piša lenta.ru.
U vypusku prahramy «Sindziejeva» abmiarkoŭvalisia prablemy rasijskaj miedycyny, tabuiravanaści ankałohii ŭ hramadstvie i padtrymka ludziej, jakija sutyknulisia z hetaj chvarobaj. Sindziejeva raspaviała, što joj nie padabajucca słovy «zmahacca z rakam», bo jana ź im nie zmahajecca. «Ja jaho pryniała ŭnutr siabie, zrazumieła, što, čuvak, nam treba niejak z taboj pažyć i razabracca», — padzialiłasia jana.
Na dumku Sindziejevaj, pra chvarobu treba kazać, bo heta dapamoža vyrašyć častku prablem — psichałahičnych i praktyčnych. Jana raspaviała, što znajomyja, kali daviedvalisia pra jaje zachvorvańnie, davali parady pa daktarach ci knihach, jakija varta pračytać. «I heta vielmi karysna, bo nichto ŭ ciabie nie siadzić na hałavie, ale tabie dajuć padkazki», — raspaviała Sindziejeva i dadała, što kali b jana chavała chvalavańni ŭ sabie, to pačała b «zahaniać siabie va ŭsio heta».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary