57 čałaviek pryjšli na prajmeryz u Stolinie VIDEA. Karavan jedzie ŭ Baranavičy
57 čałaviek sabralisia ŭ Stolinie na pieradvybary adzinaha kandydata ad demakratyčnaj apazicyi. Pieramohu jany addali kiraŭniku Ruchu «Za svabodu» Juryju Hubareviču.
Uradženiec Bieraściejščyny, jon učora pieramoh taksama ŭ Drahičynie, a siońnia — u Pinsku i zaniaŭ druhoje miesca na schodzie ŭ abłasnym centry.
Vybarcy ŭ Stolinie zadali pretendentam dziasiatki pytańniaŭ: ad piensijnaj reformy da fizičnaha padabienstva Janukieviča z Pucinym.
Videa sa Stolina:
Hałasy ŭ Stolinie raźmierkavalisia nastupnym čynam:
Juraś Hubarevič — 31, Pavieł Sieviaryniec — 17 hałasoŭ, Mikałaj Kazłoŭ — 5, Alaksiej Janukievič — 0, Volha Kavalkova — 1. 3 čałavieki nie hałasavali.
Ahulny zalik: Sieviaryniec — 339, Hubarevič — 201, Kazłoŭ — 47, Kavalkova — 20, Janukievič — 14.
Hubarevič, jaki staić na libieralna-kansiervatyŭnych pazicyjach, spadziajecca, što z pryciahnieńniem da prajmeryz uvahi šyrejšaha koła ludziej jon zdoleje abyści chryścijanskaha demakrata Paŭła Sieviarynca.
Abodva kandydaty vystupajuć za ŭmacavańnie niezaležnaści, rynkavyja pieraŭtvareńni i źmienu sistemy ŭ krainie, ale razychodziacca ŭ taktyčnych i sacyjalnych pytańniach. Sieviaryniec blizki da relihijnych i sacyjalnych kansiervataraŭ, Hubarevič — śviecki i libieralny kansiervatar.
«Heta łahičny vynik, kali na schody pačynajuć prychodzić nie anhažavanyja ŭ dziejnaść partyjnych struktur ludzi», — skazaŭ «Našaj Nivie» paśla pieramohi ŭ Pinsku Juraś Hubarevič.
«Papulistyčnyja łozunhi nie znachodziać padtrymki ŭ šyrejšaj aŭdytoryi», — zaŭvažaje jon.
«Pieramahčy možna, kali apazicyjny kandydat abjadnaje pratestavuju bolšaść», — kaža Jury Hubarevič.
U aŭtorak pieradvybarčy karavan pierajazdžaje ŭ Baranavičy, dzie schod projdzie ŭ kaviarni «Paparać-kvietka» (vuł. Kamsamolskaja 23, korpus 1).
Baranavičy — vialiki pramysłovy horad u centry krainy, i jaho prychilnaści mohuć adlustroŭvać siaredniebiełaruskija nastroi. Baranaviččyna — małaja radzima adnaho z pretendentaŭ, Alaksieja Janukieviča z Partyi BNF.
-
Kab nie płacić padatak na sabak, minčuki pačali zdavać ich u punkty adłovu
-
«Davieranaja asoba Makrona, jakaja pryjedzie ŭ Minsk», akazałasia adstaŭnym pasłom, što pabyvaje na «Minskim dyjałohu»
-
Kazulu zabrali na lačeńnie, jaka adsialili ŭ asobny valjer. Što źmianiłasia ŭ «Dukorskim majontku» paśla skandału
Ciapier čytajuć
Kab nie płacić padatak na sabak, minčuki pačali zdavać ich u punkty adłovu16
Kamientary