Viciebski harvykankam zaćvierdziŭ płan dadatkovych mierapryjemstvaŭ pa prafiłaktycy i źnižeńniu raspaŭsiudžvańnia karanavirusa i inšych reśpiratornych infiekcyj. Hety dakumient trapiŭ u rasparadžeńnie «Našaj Nivy».
Kiraŭnikoŭ zaklikajuć nie dapuskać da pracy ludziej z prykmietami reśpiratornych infiekcyj i abmiežavać kamandziroŭki. Zasiadać i raicca rekamiendavana ŭ režymie videa- i aŭdyjokanfierencyj.
U zakrytych pamiaškańniach nielha budzie pravodzić vystavy, prezientacyi, kirmašy. Čytalnyja zały ŭ biblijatekach zakryjuć. Nie dazvalajucca dehustacyi, rekłamnyja akcyi, zabaŭlalnyja mierapryjemstvy ŭ kramach i handlovych centrach.
Baćki dzietsadaŭcaŭ mohuć pakidać dziaciej doma pa svaim žadańni, za hetyja dni sadok nie budzie brać ź ich apłatu. Školnikaŭ rekamiendavana ŭvieś dzień trymać u adnym kłasie, a pracu hurtkoŭ arhanizujuć tak, kab nie źmiešvać dziaciej z roznych kłasaŭ, u tym liku padčas kanikuł. U VNU, kaledžach i licejach inšaharodnich studentaŭ nie adpuściać dadomu na vychodnyja, a ŭ spartkompleksach navučalnych ustanoŭ staronnija nie zmohuć zajmacca razam z navučencami.
U internaty i damy sastarełych i invalidaŭ nie puściać naviedvalnikaŭ.
Usie płanavyja pravierki žyłfondu elektrykami i santechnikami pieranosiacca. U chramach zahadana dezinfikavać meblu, dźviery i načyńnie.
Naviedvalnikaŭ u kafe, teatrach, kinateatrach i fiłarmonii abaviazali rassadžvać nie mienš jak za paŭtara mietra adno ad adnaho, u hateli buduć zasialać tolki paśla apytańnia ab stanie zdaroŭja i na maksimalnym addaleńni. Paśla 23.00 buduć zakryvacca dyskateki, načnyja kłuby, boŭlinh i inšyja zabaŭlalnyja ŭstanovy.
-
«Prahnoz kiroŭcy — 15—16 hadzin na miažy». Pasažyry aŭtobusaŭ, što jeduć u Litvu, skardziacca na niezvyčajna doŭhaje čakańnie
-
«Navat darosłyja chacieli dałučycca». Jak biełarusy ŭ emihracyi arhanizavali letnik dla dziaciej u Biełaviežskaj puščy
-
Zastaŭsia biez parečak. Uładalnik hadavalnika pad Minskam — pra toje, jak nadvorje paŭpłyvała na pracu
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu39
Kamientary