Na 57-m hodzie žyćcia ad ciažkaj chvaroby pamierła Paŭlina Surviła, prafiesar amerykanskaha Wartburg College (štat Ajova), vykanaŭčy dyrektar Centra biełaruskich daśledavańniaŭ u Kanzasie, siabra Rady BNR, paviedamlaje «Radyjo Svaboda».
Paŭlina (poŭnaje imia — Paŭlina Maryja) Surviła naradziłasia 2 lutaha 1964 hoda ŭ Madrydzie, dzie ŭ toj čas jaje baćki — Ivonka Surviła (Šymaniec) i Janka Surviła rabili biełaruskija prahramy na ispanskim radyjo. Była druhim dziciom u siamji (jaje siastra Hania na try hady starejšaja). «Jany z samaha malenstva prysutničali ŭsiudy, dzie štości biełaruskaje rabiłasia», — pryhadvała paźniej pra svaich dziaciej u interviju «Radyjo Svaboda» staršynia Rady BNR Ivonka Surviła.
Paŭlina Surviła była vykanaŭčym dyrektaram stvoranaha ŭ 2007 hodzie vice-prezidentam Paŭdniova-zachodniaha kaledžu Džejmsam Šepardam i pieršym ambasadaram ZŠA ŭ Biełarusi Devidam Suorcam Centru biełaruskich daśledavańniaŭ u Kanzasie (ZŠA), pieršaj akademičnaj ustanovy ŭ ZŠA, jakaja zajmałasia vyvučeńniem vyklučna Biełarusi.
U Paŭliny Surviły zastaŭsia muž Eryk, prafiesar muzyki, muzyka, i dva syny 20 i 22 hadoŭ.
Udakładieńnie. U pačatkovaj viersii artykuła pamyłkova paviedamlałasia, što P.Survile było 55 hadoŭ, a nie 56.
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas18
Kamientary