Zvolnienyja 58 čałaviek, usie režysiory. Kupałaŭski teatr razhromleny ŭ hod svajho stahodździa
Zajavy akcioraŭ i supracoŭnikaŭ Kupałaŭskaha teatra ab zvalnieńni zadavolenyja. Pra heta TUT.BY paviedamili ŭ pres-słužbie Teatra. Na hety momant zvolnilisia 58 čałaviek (36 akcioraŭ). Heta, faktyčna, aznačaje poŭny razhrom Nacyjanalnaha akademičnaha teatra ŭ hod, kali adznačajecca jaho stahodździe.
— Siarod zvolnienych — narodnyja artysty Biełarusi Zoja Biełachvościk i Arnold Pamazan, zasłužanyja artysty Biełarusi Alena Sidarava, Julija Špileŭskaja, Ihar Dzianisaŭ, Natalla Kačatkova i Hieorhij Malaŭski. Artysty Pavieł Charłančuk, Raman Padalaka, Michaś Zuj, Dźmitryj Jesianievič, Valancina Harcujeva, Śviatłana Anikiej. Mastacki kiraŭnik Mikałaj Mikałajevič Pinihin i ŭsie režysiory.
U teatry nie zastajecca nivodnaha režysiora.
Čytajcie taksama: Mastacki kiraŭnik Kupałaŭskaha Mikałaj Pinihin: Zvalnieńnie było adzinym mahčymym krokam
Da siońniašniaha dnia ŭ trupie teatra ličyłasia 57 čałaviek. Takim čynam ich zastałosia 21. Udakładnim, što niekatoryja ź ich jość tyja, chto ŭžo mnohija hady nie vychodziać na scenu.
13 žniŭnia kalektyŭ Kupałaŭskaha teatra zapatrabavaŭ spynić nasille ŭ dačynieńni da mirnych hramadzian i vystupiŭ za pierapadlik hałasoŭ z udziełam niezaležnych naziralnikaŭ.
16 žniŭnia dyrektar teatra Pavieł Łatuška i inšyja akciory Kupałaŭskaha padpisali adkryty zvarot da biełarusaŭ, i, u pryvatnaści, da vojska. Aŭtary zvarotu zaklikali da nieadkładnaj adstaŭki i zaviadzieńnia kryminalnych spraŭ suprać tych, chto addavaŭ «złačynnyja zahady» i «ŭsich słužbovych asob, vinavatych ci tych, chto maje dačynieńnie dy hetych złačynstvaŭ».
17-ha Pavieł Łatuška byŭ zvolnieny.
18-ha akciory zajavili ministru kultury Juryju Bondaru, jaki pryjechaŭ u teatr, što zvalniajucca.
Na nastupny dzień teatr byŭ zabłakavany.
-
Kali ŭ 1979‑m «Kałasy pad siarpom tvaim» vyjšli pa-rusku nakładam 100 tysiač asobnikaŭ, imi handlavali minskija taksisty. Nastolki papularny byŭ Karatkievič
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
-
Minskaja mastačka kaža, što 10 hadoŭ tamu ŭ jaje zabrała karciny kuratarka vystavy — i dahetul nie viarnuła. A sama emihravała
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?8
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary