Звольненыя 58 чалавек, усе рэжысёры. Купалаўскі тэатр разгромлены ў год свайго стагоддзя
Заявы акцёраў і супрацоўнікаў Купалаўскага тэатра аб звальненні задаволеныя. Пра гэта TUT.BY паведамілі ў прэс-службе Тэатра. На гэты момант звольніліся 58 чалавек (36 акцёраў). Гэта, фактычна, азначае поўны разгром Нацыянальнага акадэмічнага тэатра ў год, калі адзначаецца яго стагоддзе.
— Сярод звольненых — народныя артысты Беларусі Зоя Белахвосцік і Арнольд Памазан, заслужаныя артысты Беларусі Алена Сідарава, Юлія Шпілеўская, Ігар Дзянісаў, Наталля Качаткова і Георгій Маляўскі. Артысты Павел Харланчук, Раман Падаляка, Міхась Зуй, Дзмітрый Есяневіч, Валянціна Гарцуева, Святлана Анікей. Мастацкі кіраўнік Мікалай Мікалаевіч Пінігін і ўсе рэжысёры.
У тэатры не застаецца ніводнага рэжысёра.
Чытайце таксама: Мастацкі кіраўнік Купалаўскага Мікалай Пінігін: Звальненне было адзіным магчымым крокам
Да сённяшняга дня ў трупе тэатра лічылася 57 чалавек. Такім чынам іх засталося 21. Удакладнім, што некаторыя з іх ёсць тыя, хто ўжо многія гады не выходзяць на сцэну.
13 жніўня калектыў Купалаўскага тэатра запатрабаваў спыніць насілле ў дачыненні да мірных грамадзян і выступіў за перападлік галасоў з удзелам незалежных назіральнікаў.
16 жніўня дырэктар тэатра Павел Латушка і іншыя акцёры Купалаўскага падпісалі адкрыты зварот да беларусаў, і, у прыватнасці, да войска. Аўтары звароту заклікалі да неадкладнай адстаўкі і завядзення крымінальных спраў супраць тых, хто аддаваў «злачынныя загады» і «ўсіх службовых асоб, вінаватых ці тых, хто мае дачыненне ды гэтых злачынстваў».
17-га Павел Латушка быў звольнены.
18-га акцёры заявілі міністру культуры Юрыю Бондару, які прыехаў у тэатр, што звальняюцца.
На наступны дзень тэатр быў заблакаваны.
-
І другі нацыянальны акадэмічны тэатр, Коласаўскі, абсадзілі рэжысёрам з Масквы
-
У Італіі штучны інтэлект адшукаў скрадзеную карціну, на якой злодзеі старанна замалявалі німб і ягня. Зараз алгарытм пачне паляванне на нарабаваныя расіянамі скарбы Украіны
-
У гістарычным цэнтры Магілёва за паўмільёна даляраў прадаюць ружовы будынак ваенкамата
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну36
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары