Rasija i Biełaruś damovilisia ab pradastaŭleńni Minsku kredytu na 1,5 młrd dalaraŭ, pytańnie prapracoŭvajuć minfiny, paviedamiŭ pa vynikach pieramoŭ u Sočy Uładzimir Pucin.
Łukašenka padziakavaŭ za padtrymku paśla vybaraŭ u respublicy.
«Vy pastupili vielmi prystojna, pa-čałaviečamu, dziakuju ŭsim, da taho, kab padtrymać nas u hety postvybarčy čas. Ja vas padrabiazna painfarmuju pra toje, što adbyvajecca ŭ nas u Biełarusi, dakładniej u Minsku. Hałoŭnaje — heta nie pierachodzić čyrvonuju rysu, pakul nichto hetyja linii nie parušaŭ.
Uroki treba zdabyvać z usich padziej i my hety ŭrok vytrymali. Vy pakazali, što biełaruskija miežy — heta miežy Sajuznaj dziaržavy i nikomu nie dazvolena brazhać tam zbrojaj», — skazaŭ jon.
Pucin skazaŭ, što biełarusy sami i bieź cisku zvonku pavinny razabracca ŭ situacyi ŭ krainie. Jon taksama ličyć łahičnaj, svoječasovaj i metazhodnaj prapanovu Łukašenki ab źmienach u kanstytucyi Biełarusi.
Pa słovach prezidenta Rasii, Rasija prychilnaja da ŭsich damoŭlenaściaŭ ź Biełaruśsiu, u tym liku ŭ farmacie Sajuznaj dziaržavy i ADKB.
«Što tyčycca vajennaha składnika, vy majecie racyju, u nas jość płan i jon budzie realizavany. My i z karanavirusam razam pazmahajemsia i pieraadolejem usie prablemy ŭ ekanomicy», — skazaŭ jon.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje8
Kamientary