Apiejkin raskazaŭ, što było ŭ apošnich sms, jakija Kotaŭ adpraviŭ žoncy ź jachty ŭ Turcyi
Vykanaŭčy dyrektar Biełaruskaha fondu spartyŭnaj salidarnaści zapeŭnivaje, što Kotaŭ uvachodzić u 1% ludziej, «što vałodajuć samym niebiaśpiečnym navykam — umieńniem myślić stratehična i vybudoŭvać ustojlivyja doŭhaterminovyja pracesy». Ale pavioŭsia na razvodku — «čałaviek, jakomu Anatol daviaraŭ, zaprasiŭ jaho na jachtu pad vyhladam pieramoŭ».
Spartyŭny funkcyjanier Alaksandr Apiejkin vykazaŭsia z nahody rasśledavańnia pra źniknieńnie svajho siabra Anatola Kotava.
Jon pierakanany ŭ tym, što Kotaŭ jak asoba ŭjaŭlaŭ ekzistencyjnuju pahrozu łukašenkaŭskaj sistemie.
«99% usiaho palityčnaha miejnstrymu dla siońniašniaj biełaruskaj ułady nijakaj realnaj pahrozy nie ŭjaŭlajuć. I navat naadvarot — źjaŭlajucca dobrym kantrastam dla demanstracyi svaich kiraŭnickich pieravah. … Ja mahu nazvać tolki niekalki ludziej, jakich ja adnios by da astatniaha 1%. Heta ludzi, što vałodajuć samym niebiaśpiečnym navykam — umieńniem myślić stratehična i vybudoŭvać ustojlivyja doŭhaterminovyja pracesy. Heta značyć, heta ludzi z hłybokimi sistemnymi viedami i nadzvyčaj vysokimi arhanizacyjnymi zdolnaściami. U lubym hramadstvie heta štučny tavar. Na siońniašni dzień amal usie ludzi, jakija sapraŭdy mohuć niešta supraćpastavić biełaruskaj sistemie, znachodziacca ŭ samoj sistemie. Na źniešnim kontury — tolki adzinki, i vy ich, chutčej za ŭsio, nie viedajecie.
Dyk voś Anatol Kotaŭ — heta adzin z takich ludziej. … Toje, što jaho intelektualnaha patencyjału chapiła b, kab pierajhrać sistemu, — heta fakt», — razvažaje Apiejkin.
Tym nie mienš Apiejkin pryznaje, što niahledziačy na ŭsio vyšej pieraličanaje Kotaŭ dazvoliŭ zaciahnuć siabie ŭ pastku.
«Čałaviek, jakomu Anatol daviaraŭ, zaprasiŭ jaho na jachtu pad vyhladam pieramoŭ. Viečaram 21 žniŭnia Anatol zajšoŭ na jachtu ŭ porcie Trabzon. Nieŭzabavie zrazumieŭ, što heta pastka, paśpieŭ napisać niekalki sms žoncy, jakija vyhladali jak raźvitańnie. Potym byŭ źbity i pieradadzieny rasijskim śpiecsłužbam u mory ŭ rajonie Abchazii. Dalejšy los nieviadomy», — piša Apiejkin.
Čytajcie taksama: Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia23
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary